ബാങ്കോക്ക്; ഒരു വീട്ടില് ആറു കഞ്ചാവു ചെടി പദ്ധതി. ഇവിടത്തെ കാര്യമല്ല. അങ്ങ് തായ്ലന്ഡിലാണ് ഞെട്ടിപ്പിക്കുന്ന പദ്ധതി ആവിഷ്കരിച്ചിരിക്കുന്നത്. മരുന്നുകള്ക്കായി കഞ്ചാവ് ഉപയോഗിക്കുന്നത് നിയമവിധേയമാക്കിയതിന് പിന്നാലെയാണ് പുതിയ പദ്ധതി കൊണ്ടുവരാന് സര്ക്കാര് ഒരുങ്ങുന്നത്. എന്നാല് വീട്ടില് വളര്ത്തുന്നതല്ലേ എന്നു കരുതി അത് എടുത്ത് വലിക്കാന് നിന്നാല് നല്ല പണി കിട്ടും.
ഭരണമുന്നണിയിലെ ഭുംജയ്തായ് പാര്ട്ടിയാണ് കഞ്ചാവ് പദ്ധതി സംബന്ധിച്ച നിയമം ശുപാര്ശ ചെയ്തിരിക്കുന്നത്. മരുന്നിന് ഉപയോഗിക്കാനായി ഓരോ വീട്ടിലും ആറ് കഞ്ചാവു ചെടികള് വളര്ത്താന് അനുമതി നല്കാനാണ് കരടുനിയമത്തിലെ ശുപാര്ശ. ഇത് വലിക്കാന് ഉപയോഗിച്ചാല് ശിക്ഷയും ലഭിക്കും. കഴിഞ്ഞ വര്ഷമാണ് രാജ്യത്ത് മരുന്നു നിര്മാണത്തിനും ഗവേഷണത്തിനും കഞ്ചാവ് ഉപയോഗം നിയമ വിധേയമാക്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ