കര്ണാടകയിലെ പ്രമുഖ വ്യവസായി ശ്രീനിവാസ് ഗുപ്തയുടെ പുതിയ വീടിന്റെ ഗൃഹപ്രവേശന ചടങ്ങ് വാര്ത്തകളില് ഇടംപിടിച്ചിരിക്കുകയാണ്. വീടിന്റെ വലുപ്പം കൊണ്ടോ ഭംഗികൊണ്ടോ അല്ല, മറിച്ച് അണയാത്ത സ്നേഹത്തിന്റെ മാതൃക തീര്ത്തതുകൊണ്ടാണ് ഈ ഭവനം ആളുകളുടെ ശ്രദ്ധയാകര്ഷിക്കുന്നത്. ഈ വീട്ടില് അദ്ദേഹത്തിന്റെ മരിച്ചുപോയ ഭാര്യയുമുണ്ട്!
ശ്രീനിവാസ് ഗുപ്തയുടെ ഭാര്യ മാധവി 2017ല് കാര് അപകടത്തില് മരിച്ചതാണ്. മാധവിയുടെ സ്വപ്നമായിരുന്നു ഈ വീട്. അതിനാല് ഗൃഹപ്രവേശന വേളയില് ഭാര്യയുടെ സാന്നിധ്യവും വേണമെന്ന് ശ്രീനിവാസിന് നിര്ബന്ധമായിരുന്നു. മാധവിയുടെ ചിരിച്ചുകൊണ്ടിരിക്കുന്ന സിലിക്കണ് പ്രതിമ നിര്മ്മിച്ച് വീട്ടില് സ്ഥാപിച്ചിരിക്കുകയാണ് അദ്ദേഹം. ഒറ്റനോട്ടത്തില് ഒരു സ്ത്രീ വീട്ടിലെ സോഫയില് ചിരിച്ചുകൊണ്ടിരിക്കുന്നു എന്നെ കരുതുള്ളു.
ബെംഗളൂരുവിലെ ആര്ട്ടിസ്റ്റ് ശ്രീധര് മൂര്ത്തിയാണ് ജീവന് തുടിക്കുന്ന ഈ ശില്പം നിര്മ്മിച്ചത്. ഒരു വര്ഷമെടുത്താണ് ശ്രീധര് പ്രതിമ നിര്മ്മിച്ചതെന്ന് ശ്രീനിവാസ് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ