ന്യൂഡല്‍ഹി: ഇടുങ്ങിയ പടിക്കെട്ടിലൂടെ കാട്ടാന നടന്നുനീങ്ങുന്നതിന്റെ ദൃശ്യങ്ങള്‍ വൈറലാകുന്നു. ഐഎഫ്എസ് ഉദ്യോഗസ്ഥനായ പര്‍വീണ്‍ കാസ്‌വാന്‍ ആണ് അപൂര്‍വ്വമായ ദൃശ്യങ്ങള്‍ ട്വിറ്ററില്‍ പങ്കുവെച്ചത്.
മൃഗങ്ങളില്‍ ഏറ്റവും ബുദ്ധിയുളള ജീവിയാണ് ആന എന്ന് ഒരിക്കല്‍ കൂടി തെളിയിക്കുന്നതാണ് ഈ ദൃശ്യങ്ങള്‍. പടിക്കെട്ട് കാണുമ്പോള്‍ ഒരു നിമിഷം നില്‍ക്കുന്നതാണ് ദൃശ്യങ്ങളില്‍ ആദ്യം. പിന്നീട് ഇടുങ്ങിയ പടവുകള്‍ ഒന്നൊന്നായി നടന്നു മുകളിലേക്ക് കയറുന്നതാണ് അടുത്ത ഘട്ടത്തില്‍. മുകളില്‍ എത്തിയശേഷം നടന്നുവന്ന വഴികള്‍ ആന നോക്കുന്ന ഇടത്താണ് വീഡിയോ അവസാനിക്കുന്നത്.
എത്ര അനായാസമായാണ് ആന ഇടുങ്ങിയ പടവുകള്‍ കയറുന്നത് എന്ന ചോദ്യം ഉന്നയിച്ചു കൊണ്ടാണ് പര്‍വീണ്‍ കാസ്‌വാന്‍ വീഡിയോ പങ്കുവെച്ചിരിക്കുന്നത്. എല്ലാ സാധ്യതകളും നന്നായി പ്രയോജനപ്പെടുത്തുന്ന ജീവിയാണ് ആന. പെട്ടെന്ന് കാര്യങ്ങള്‍ മനസ്സിലാക്കുന്ന ആന, തടസ്സങ്ങളെല്ലാം മറികടന്ന് മുന്നേറുന്ന ജീവിയാണെന്ന് പര്‍വീണ്‍ കാസ്‌വാന്‍ കുറിച്ചു. ഇതിന്റെ ദൃശ്യങ്ങള്‍ വ്യാപകമായാണ് പ്രചരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
