മക്കാസര് : മാതാപിതാക്കള്ക്കൊപ്പം മീന് പിടിക്കാന് പോയ പതിനാറുകാരന് നേരിടേണ്ടി വന്നത് അവിചാരിതമായ ആക്രമണം. മീന് പിടിക്കുന്നതിനിടെ നീന്തിയെത്തിയ സൂചി മല്സ്യം അപ്രതീക്ഷിതമായി കുതിച്ച് ചാടി കുട്ടിയുടെ കഴുത്തില് തുളച്ചുകയറുകയായിരുന്നു. ഇന്തോനേഷ്യയിലെ മക്കാസറിലാണ് സംഭവം.
മുഹമ്മദ് ഇദുള് എന്ന 16 കാരനായിരുന്നു ഈ അപകടം പിണഞ്ഞത്. ഉടന് തന്നെ കുട്ടിയെ ആശുപത്രിയിലെത്തിച്ചു. മല്സ്യത്തിന്റെ തലവെട്ടിയ ശേഷമാണ് കുട്ടിയെ ആശുപത്രിയിലെത്തിച്ചത്. അപ്പോഴും കുത്തികയറിയ മീനിന്റെ ചുണ്ട് കഴുത്തിലുണ്ടായിരുന്നു. പിന്നീട് രണ്ടു മണിക്കൂര് നീണ്ട ശസ്ത്രക്രിയക്ക് ശേഷമാണ് മീനിന്റെ ചുണ്ട് പുറത്തെടുക്കാനായത്.
പിന്കഴുത്തില് തലയോടിന് തൊട്ട് താഴെയാണ് മീന് തുളച്ച് കയറിയത്. കുട്ടി ആരോഗ്യനില വീണ്ടെടുത്തതായാണ് റിപ്പോര്ട്ട്. കഴുത്തില് മീന് തുളച്ചുകയറിയ ചിത്രങ്ങള് സോഷ്യല് മീഡിയയില് പ്രചരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ