ലോകത്തെ ജീവി വര്ഗങ്ങളില് വിശേഷ ബുദ്ധി മനുഷ്യന് മാത്രമാണെന്ന് പറയാറുണ്ട്. കാര്യങ്ങളെ വിവേകത്തോടെ തിരിച്ചറിയാനുള്ള മനുഷ്യന്റെ സവിശേഷതയാണ് ഈ വിശേഷ ബുദ്ധി. സഹജീവികളോടുള്ള കരുണയും അനുകമ്പയുമൊക്കെ ഈ വിശേഷ ബുദ്ധിയില് നിന്നുണ്ടാകുന്നതാണ്.
എന്നാല് ഈ വീഡിയോ നമ്മെ ഇരുത്തി ചിന്തിപ്പിക്കും. ഐഎഫ്എസ് ഓഫീസറായ സുധ രാമന് പങ്കിട്ട വീഡിയോയാണ് ശ്രദ്ധേയമാകുന്നത്.
20 സെക്കന്ഡ് മാത്രമാണ് വീഡിയോയുള്ളത്. വളര്ത്തു നായയും ഒരു യുവതിയും റോഡില് കുറുകെയിട്ട തടിക്കഷ്ണം മറികടന്ന് മുന്നോട്ട് പോകുന്നു. ഇരുവര്ക്കുമെതിരെ അന്ധനായ ഒരാള് നടന്നു വരുന്നുണ്ടായിരുന്നു. പെട്ടെന്ന് നായ തിരികെ വന്ന് കുറുകെയിട്ട തടിക്കഷ്ണം കടിച്ചെടുത്ത് അന്ധനായ ആള്ക്ക് വഴിയൊരുക്കുന്നു.
നമ്മില് മിക്കവരും കാണാനും ചെയ്യാനും മടിക്കുന്നത് എന്ന കുറിപ്പോടെയാണ് സുധ രാമന് വീഡിയോ പങ്കിട്ടിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ