ഭുവനേശ്വർ: അപൂർവ്വമായി മാത്രം കാണപ്പെടുന്ന മഞ്ഞ ആമയെ കണ്ടെത്തിയിരിക്കുകയാണ് ഒഡിഷയിലെ ബലസോറിലെ ഒരു ഗ്രാമത്തിൽ. ആമയുടെ തോടും കാലുകളും തലയുമെല്ലാം മഞ്ഞ നിറമാണ്.
ഇന്ത്യൻ ഫോറസ്റ്റ് സർവിസ് ഉദ്യോഗസ്ഥനായ സുശാന്ത് നന്ദയാണ് മഞ്ഞ ആമയുടെ വിഡിയോ ട്വിറ്ററിൽ പങ്കുവച്ചത്. ആമയെ കണ്ട് കൗതുകം തോന്നിയ ഗ്രാമവാസികൾളാണ് വനം വകുപ്പിനെ വിവരമ‌റിയിച്ചത്. തോടുമാത്രം മഞ്ഞയായ ആമയെ കാണാറുണ്ടെങ്കിലും ഇത് അപൂർവ്വമാണെന്ന് വനവകുപ്പ് ഉദ്യോഗസ്ഥർ പറയുന്നു.
ഇത്തരത്തിലുള്ള ആമയെ ആദ്യമായി കാണുകയാണെന്ന കമൻറുമായി നിരവധിപേർ വിഡിയോ ഷെയർ ചെയ്തു. ആൽബിനിസം ബാധിച്ച ആമയാണിതെന്നാണ് പലരും അഭിപ്രായപ്പെടുന്നത്. ജീവികൾക്ക് നിറംനൽകുന്ന മെലാനിൻ എന്ന വർണകം നഷ്ടമാകുന്ന പ്രതിഭാസമാണിത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
