'അമ്പമ്പോ', നാലുമിനിറ്റില്‍ 20,000 കലോറി കൂറ്റന്‍ ബര്‍ഗര്‍ അകത്താക്കി, 40 കഷ്ണം പന്നിയിറച്ചി; റെക്കോര്‍ഡ്- വൈറല്‍ വീഡിയോ
ഇഡ്ഡലി, പഴം, പാവയ്ക്ക എന്നിങ്ങനെ നിരവധി തീറ്റ മത്സരങ്ങളില്‍ ഒരെണ്ണം പോലും നേരിട്ട് കാണാത്തവര്‍ ചുരുക്കമായിരിക്കും. ഇപ്പോള്‍ ഒറ്റയിരിപ്പില്‍ 20,000 കലോറി ബര്‍ഗര്‍ അകത്താക്കുന്ന യുവാവിന്റെ വീഡിയോയാണ് വൈറലാകുന്നത്.
അമേരിക്ക ലാസ് വെഗാസിലെ ഹാര്‍ട്ട് അറ്റാക്ക് ഗ്രില്‍ എന്ന ഭക്ഷണശാലയിലായിരുന്നു ബര്‍ഗര്‍ ചലഞ്ച്. മാറ്റ് സ്‌റ്റോണി എന്ന യുവാവാണ് നിമിഷം നേരം കൊണ്ട് കൂറ്റന്‍ ബര്‍ഗര്‍ കഴിച്ച് കാഴ്ചക്കാരെ ഞെട്ടിച്ചത്. നാലു മിനിറ്റ് കൊണ്ട് 20000 കലോറി ബര്‍ഗറാണ് അകത്താക്കിയത്. ബര്‍ഗറില്‍ ഉപ്പിട്ടുണക്കിയ പന്നിയിറച്ചിയുടെ നാല്‍പ്പത് കഷ്ണം അടങ്ങിയിരുന്നു. ചീസ്, സവാളം, തക്കാളി, തുടങ്ങി നിരവധി വിഭവങ്ങള്‍ അടങ്ങിയതായിരുന്നു ബര്‍ഗര്‍. 2.94 കിലോ വരും ബര്‍ഗറിന്റെ തൂക്കം.
ഇതിന്റെ വീഡിയോ വ്യാപകമായാണ് പ്രചരിക്കുന്നത്. ബര്‍ഗര്‍ കഴിക്കുന്നതിനിടെ മാറ്റ് വെള്ളം കുടിക്കുന്നതും വീഡിയോയില്‍ വ്യക്തമാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
