പാമ്പുകൾ അടക്കമുള്ള ഉരഗ വർഗത്തിൽപ്പെട്ട ജീവികളെ പരിചരിക്കുന്നതിൽ ആനന്ദം കണ്ടെത്തുന്ന വ്യക്തിയാണ് ജെയ് ബ്രൂവെർ. ആ ഇഷ്ടം കൊണ്ട് ഒരു സൂ തന്നെ ജെയ് ഒരുക്കി. കലിഫോർണിയയിലെ റെപ്ടൈൽ സൂവിന്റെ പിറവി അങ്ങനെയാണ്.
പാമ്പുകളടക്കം മറ്റ് ഉരഗ വർഗത്തിലുള്ള ജീവികളും ഈ മൃഗശാലയിലുണ്ട്. ഉടുമ്പുകളെയും പാമ്പുകളെയും മുതലകളെയുമൊക്കെ പരിചരിക്കുന്ന വീഡിയോകളും ജെയ് സ്ഥിരമായി സാമൂഹിക മാധ്യമങ്ങളിലൂടെ പങ്കുവയ്ക്കാറുണ്ട്. അത്തരമൊരു ദൃശ്യമാണ് ഇപ്പോൾ വൈറലായി മാറിയത്.
ഒരു പെരുമ്പാമ്പ് ജെയ് ബ്രൂവറെ ആക്രമിക്കുന്നതാണ് വീഡിയോയിൽ. മുട്ടയിട്ടിരിക്കുന്ന പെരുമ്പാമ്പാണ് ജെയ് ബ്രൂവറെ ആക്രമിച്ചത്. പാമ്പിന്റെ മുട്ടകൾ സുരക്ഷിതമായി ഇൻക്യുബേറ്ററിൽ വച്ചു വിരിയിക്കാനായാണ് ജെയ് എടുത്തത്. മുട്ടകൾ കെകൊണ്ട് എടുത്തതും പാമ്പ് മുഖത്തേക്ക് ആഞ്ഞ് കൊത്തിയതും ഒരുമിച്ചായിരുന്നു.
മാസങ്ങൾക്ക് മുൻപ് മറ്റൊരു പാമ്പും ജെയ് ബ്രൂവറെ പരിചരിക്കുന്നതിനിടയിൽ ആക്രമിച്ചിരുന്നു. അന്ന് തക്കസമയത്ത് ഒഴിഞ്ഞു മാറിയതിനാൽ അപകടത്തിൽ നിന്നു ജെയ് രക്ഷപ്പെട്ടു. എന്നാൽ ഇത്തവണ പാമ്പിന്റെ ആക്രമണത്തിൽ നിന്ന് രക്ഷപ്പെടാനായില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ