യുവാവ് രാത്രിയിൽ ബൈക്കോടിക്കുന്നതിനിടെ ഹാൻഡിലിലൂടെ ഇഴഞ്ഞെത്തി പാമ്പ്. ഇതിന്റെ ദൃശ്യങ്ങൾ സാമൂഹിക മാധ്യമങ്ങളിൽ വൈറലായി മാറി. തായ്ലൻഡിലാണ് സംഭവം. വടക്കൻ തായ്‌ലൻഡിലെ ഉതായ് താനി പ്രവിശ്യയിൽ നിന്നുള്ളതാണ് ദൃശ്യങ്ങൾ.
ബൈക്കോടിച്ചിരുന്ന യുവാവ് പച്ച നിറത്തിലുള്ള പാമ്പിനെ കണ്ട് ഭയന്ന് അലറി വിളിക്കുന്നത് വീഡിയോയിൽ കേൾക്കാം. ആദ്യം ഭയന്നെങ്കിലും പിന്നീട് ഒരു കൈകൊണ്ട് ബൈക്ക് നിയന്ത്രിച്ച ശേഷം വാഹനം നിർത്തി യുവാവ് തന്നെയാണ് ഈ ദൃശ്യം പകർത്തിയത്.
2017ലും സമാനമായ സംഭവം തായ്‌ലൻഡിൽ നിന്ന് റിപ്പോർട്ട് ചെയ്തിരുന്നു. അന്ന് ബൈക്കിലുണ്ടായിരുന്ന യാത്രക്കാരൻ തലനാരിഴയ്ക്കാണ് പാമ്പിന്റെ കടിയേൽക്കാതെ രക്ഷപെട്ടത്. ലോകത്ത് ഏറ്റവുമധികം വിഷപ്പാമ്പുകളുള്ള രാജ്യമാണ് തായ്‌ലൻഡ്. ഇരുനൂറിലധികം വിഭാഗത്തിലുള്ള പാമ്പുകളുണ്ട് തായ്‌ലൻഡിൽ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
