ഫുഡ് കോമ്പിനേഷനുകള്‍ പരീക്ഷിച്ചുള്ള വിഡിയോകള്‍ സോഷ്യല്‍ മീഡിയയില്‍ വൈറലാകാറുണ്ടെങ്കിലും ഈ കണ്ടുപിടുത്തങ്ങള്‍ക്ക് പൊതുവേ ഫാന്‍സ് കുറവാണ്. മര്യാദയ്ക്ക് കഴിക്കേണ്ട സാധനങ്ങള്‍ കുളമാക്കി എന്നാണ് കൂടുതല്‍ പേരും അഭിപ്രായപ്പെടുന്നത്. പിസ-പാനിപൂരി മുതല്‍ ചോക്ലേറ്റ്-പറാത്തയും കോള്‍ഡ് കോഫി-മാഗിയും വരെ നീളുന്ന പരീക്ഷണങ്ങള്‍ ഉണ്ടായിട്ടുണ്ട്. ഈ ലിസ്റ്റിലേക്ക് ഇപ്പോളെത്തിയിരിക്കുകയാണ് പുതിയ ഒരു ഐറ്റം, മസാല ജിലേബി!.
ഒരു പ്ലേറ്റ് നിറയെ മസാല ജിലേബിയുള്ള ഒരു ഫോട്ടോയാണ് ട്വിറ്ററില്‍ പങ്കുവച്ചിരിക്കുന്നത്. ആര്‍ക്കെങ്കിലും മസാല ജിലേബി വേണോ എന്ന് ചോദിച്ചാണ് ഫോട്ടോ പങ്കുവച്ചത്. മധുരമുള്ള ജിലേബിക്കൊപ്പം മസാല ചേര്‍ത്താല്‍ എങ്ങനെയിരിക്കുമെന്ന ആശങ്കയാണ് കമന്റുകളില്‍ നിറയുന്നത്. ചിലരാകട്ടെ ഇത്തരം ഭക്ഷണം ഉണ്ടാക്കുന്നവരെയും കഴിക്കുന്നവരെയും തൂക്കിക്കൊല്ലണം എന്നുവരെ കമന്റുകളില്‍ വായിക്കാം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
