വന്യ മൃഗങ്ങളുടെയും പക്ഷികളുടെയുമൊക്കെ വീഡിയോകൾക്ക് സാമൂഹിക മാധ്യമങ്ങളിൽ കാഴ്ചക്കാരേറെയാണ്. ഇരയെ വേട്ടയാടുന്ന വന്യ മൃഗങ്ങളുടെ വീഡിയോയും ഇത്തരത്തിൽ വ്യാപകമായി പ്രചരിക്കാറുണ്ട്. ഇപ്പോഴിതാ അത്തരമൊരു വീഡിയോയാണ് ശ്രദ്ധേയമാകുന്നത്.
മൂന്ന് ചീറ്റപ്പുലികൾ വലിയ ഒട്ടകപ്പക്ഷിയെ വളഞ്ഞാക്രമിക്കുന്ന ദൃശ്യമാണ് വൈറലായി മാറിയിരിക്കുന്നത്. ദക്ഷിണാഫ്രിക്കയിലെ സാവന്ന പുൽമേടുകളിൽ നിന്നുള്ള കാഴ്ചയാണിത്. സഫാരിക്കെത്തിയ വിനോദ സഞ്ചാരികൾ പകർത്തിയ ദൃശ്യമാണിതെന്നാണ് നിഗമനം.
മുന്നിൽ നിന്നും പിന്നിൽ നിന്നും ഒരേ സമയം ഒട്ടകപ്പക്ഷിയുടെ ശരീരത്തിൽ പിടുത്തമിട്ട ചീറ്റകൾ ഏറെ നേരത്തെ പരിശ്രമത്തിനു ശേഷമാണ് ഒട്ടകപ്പക്ഷിയെ കീഴ്പ്പെടുത്തിയത്. ചീറ്റകളുടെ പിടിയിൽ നിന്ന് കുതറി രക്ഷപ്പെടാൻ ശ്രമം നടത്തിയെങ്കിലും വിജയിച്ചില്ല.
ഒടുവിൽ തളർന്നു താഴെവീണ ഒട്ടകപ്പക്ഷിയെ ചീറ്റകളിലൊന്ന് കടിച്ചു വലിച്ചുകൊണ്ടുപോകുന്നതും ദൃശ്യത്തിൽ കാണാം. വൈൽഡ് ആനിമൽ ഷോട്സ് എന്ന ഇൻസ്റ്റഗ്രാം പേജിലാണ് ദൃശ്യം പങ്കുവച്ചിരിക്കുന്നത്. നിരവധിയാളുകൾ ഈ ദൃശ്യം കണ്ടുകഴിഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ