കോഹ് ലിക്കും, രോഹിത്തിനും, ശാസ്ത്രിക്കും പറയാനുള്ളത് തന്നെയാണ് ഇന്ത്യയുടെ ടെസ്റ്റ് വൈസ് ക്യാപ്റ്റന്‍ രഹാനേയ്ക്കും പറയാനുള്ളത്. ടീമിലെ ധോനിയുടെ സാന്നിധ്യം അത്രമേല്‍ ആവശ്യമാണെന്ന്.
ന്യൂസിലാന്‍ഡിനെതിരായ ട്വിന്റി20 മത്സരത്തിന് ഇടയിലായിരുന്നു ധോനി കളിയില്‍ നിന്നും വിരമിക്കണമെന്ന വിമര്‍ശനങ്ങള്‍ ശക്തമായത്. എന്നാല്‍ ടീമില്‍ നിന്നു തന്നെയാണ് ഇന്ത്യന്‍ മുന്‍ നായകന് വേണ്ട പിന്തുണ ഏറ്റവും കൂടുതല്‍ ലഭിച്ചത്.
ധോനിയില്‍ ഇനിയും ക്രിക്കറ്റ് ശേഷിക്കുന്നുണ്ട്. ഫിറ്റ്‌നസിലും, ഡയറ്റിലും ധോനി ശ്രദ്ധ പുലര്‍ത്തുന്നു. മാത്രമല്ല, ഫീല്‍ഡില്‍ കോഹ് ലിക്ക് ധോനിയില്‍ നിന്നും ലഭിക്കുന്ന നിര്‍ദേശങ്ങള്‍ കളിയില്‍ വലിയ വ്യത്യാസമാണ് വരുത്തുന്നതെന്നും രഹാനേ പറയുന്നു. കോഹ് ലിക്ക് മാത്രമല്ല, എല്ലാ കളിക്കാര്‍ക്കും ധോനിയില്‍ നിന്നും നിര്‍ദേശങ്ങള്‍ വിലമതിക്കാനാവാത്തതാണ്.
ധോനിയെ പോലൊരു കളിക്കാരനെ ടീമില്‍ ലഭിച്ചത് ഇന്ത്യയുടെ ഭാഗ്യമാണെന്നും രഹാനെ പറയുന്നു. കോഹ് ലിയായിരുന്നു, ധോനിക്ക് നേരെ വിമര്‍ശന മുനകള്‍ ഉയര്‍ന്നപ്പോള്‍ ആദ്യം തന്നെ പ്രതിരോധവുമായെത്തിയത്. പിന്നാലെ ശാസ്ത്രിയുമെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ
