''ഓം നം ശവായ്'' എന്ന് പച്ചകുത്തിയ ഫോട്ടോയായിരുന്നു ആഴ്‌സണല്‍ മധ്യ നിരക്കാരനായ തിയോ വാല്‍കോട്ട് ട്വിറ്ററിലൂടെ ഷെയര്‍ ചെയ്തത്. ഹിന്ദു മതവിശ്വാസ പ്രകാരമുള്ള മന്ത്രം പച്ചകുത്തിയതില്‍ ഇന്ത്യന്‍ ആരാധകര്‍ വാല്‍കോട്ടിനൊപ്പം നില്‍ക്കുന്നുണ്ടെങ്കിലും ഗ്രാമര്‍ തെറ്റിന് വാല്‍കോട്ടിനെ പരിഹസിക്കാതിരിക്കാനും അവര്‍ക്കാകുന്നില്ല.
ഓം നമ ശിവായ എന്നതിന് പകരം ഓം നം ശവായ് എന്ന് തെറ്റായാണ് തന്റെ ശരീരത്തില്‍ വാല്‍കോട്ട് പച്ചകുത്തിയിരിക്കുന്നത്. ഹൃദയം തുറക്കുക, ശാശ്വതമായ സന്തോഷത്തിനായി പേടി, വെറുപ്പ്, അസൂയ എന്നിവ ഒഴിവാക്കുക എന്നീ വാക്കുകളോടെയായിരുന്നു വാല്‍കോട്ട് തന്റെ പച്ചകുത്തിയ ഫോട്ടോ ഷെയര്‍ ചെയ്തത്.
ശവായ എന്നാല്‍ മൃതദേഹമാണെന്നും വാല്‍കോട്ടിന് ചില ഇന്ത്യക്കാര്‍ ട്വിറ്ററിലൂടെ പറഞ്ഞു കൊടുക്കുന്നുണ്ട്. ഇത് ടാറ്റുവാക്കുന്നതിന് മുന്‍പ് ആഴ്‌സനലിന്റെ ഏതെങ്കിലും ഇന്ത്യന്‍ ആരാധകരോട് ഇതിനെ കുറിച്ച് വാല്‍കോട്ടിന് ചോദിക്കാമായിരുന്നുവെന്നും ഇന്ത്യക്കാരിപ്പോള്‍ വാല്‍കോട്ടിനെ ഉപദേശിക്കുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
