ബെംഗളൂരു: ഐ ലീഗ് കിരീട പോരാട്ടത്തിലേക്ക് തിരിച്ചെത്താനുള്ള ബെംഗളൂരു എഫ്സിയുടെ ശ്രമത്തിന് ഈസ്റ്റ് ബംഗാള് തടഞ്ഞു. നിലവിലെ ഐലീഗ് ചാംപ്യന്മാരായ ബംഗളൂരു എഫ്സിയെ ഒന്നിനെതിരേ മൂന്ന് ഗോളുകള്ക്കാണ് ഈസ്റ്റ് ബംഗാള് ശ്രീകണ്ഡീരവ സ്റ്റേഡിയത്തില് തോല്പ്പിച്ചത്.
കളിയുലടനീളം മേധാവിത്വം പുലര്ത്തിയ ബംഗാള് ബ്രിഗേഡിന്റെ മുന്നില് പതറിയതോടെ തുടര്ച്ചയായ ഏഴാം മത്സരത്തിലും ബെംഗളൂരുവിന് വിജയവഴിയിലെത്താനായില്ല. 23ാം മിനുറ്റില് വെഡ്സന് അന്സല്യുടെ ഗോളില് ബംഗാള് മുന്നിട്ടു. രണ്ടാം പകുതിയില് 54, 59 മിനുറ്റുകളില് റോബിന് സിംഗ് ബെംഗളൂരു വലയില് പന്തെത്തിച്ചു. 85ാം മിനുറ്റില് മലയാളി താരം സികെ വിനീതാണ് ബെംഗളൂരുവിന് വേണ്ടി ലക്ഷ്യം കണ്ടത്.
11 മത്സരങ്ങളില് ഏഴ് വിജയങ്ങളുമായി 23 പോയിന്റോടെ ലീഗില് ഒന്നാമതാണ് ഈസ്റ്റ് ബംഗാള്. അഞ്ചാം സ്ഥാനത്തുള്ള ബെംഗളൂരുവിന്റെ നേട്ടം 13 പോയിന്റാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ