മാഡ്രിഡ്: റിയല് മാഡ്രിഡ് താരം പെപെ പത്തു വര്ഷത്തിനു ശേഷം ക്ലബ്ബ് വിട്ടു. തുര്ക്കിഷ് ചാംപ്യന്മാരായ ബെസിക്ടാസിലേക്കാണ് പോര്ച്ചുഗീസ് താരത്തിന്റെ കൂടുമാറ്റം. 34 കാരനായ പെപെ 2007ലാണ് 30 മില്ല്യന് യൂറോയ്ക്ക് റിയല് മാഡ്രിഡില് എത്തിയത്. പുതിയ ക്ലബുമായി രണ്ടു വര്ഷത്തേക്കാണ് പെപെ കരാറൊപ്പിട്ടിരിക്കുന്നത്.
കഴിഞ്ഞ മാസം റിയലുമായി കരാര്പൂര്ത്തിയായ പെപെ സ്പാനിഷ് ലീഗിലെ വിവാദ നായകനാണ്. പരുക്കന് ഫുട്ബോളറെന്ന് വിശേഷണമുള്ള പെപെയ്ക്ക് സിനദിന് സിദാന് പരിശീലിപ്പിക്കുന്ന റിയല് മാഡ്രിഡില് കൂടുതല് അവസരങ്ങള് ലഭിച്ചിരുന്നില്ല.
മൂന്ന് ലാലീഗ, രണ്ട് കിംഗ്സ് കപ്പ്, മൂന്ന് ചാംപ്യന് ട്രോഫികള് എന്നിവയാണ് റിയല് മാഡ്രിഡ് കുപ്പായത്തില് പെപെ നേടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ