മുംബൈ: ഐസിസി റാങ്കിംഗില്‍ ഇന്ത്യന്‍ ക്യാപ്റ്റന്‍ വിരാട്‌കൊഹ്‌ലി വീണ്ടും ഒന്നാമതെത്തി. ചാംപ്യന്‍സ് ട്രോഫിയിലെ മികച്ച പ്രകടനമാണ് കൊഹ്‌ലിയെ ഒന്നാമതെത്തിച്ചത്. ദക്ഷിണാഫ്രിക്കന്‍ ക്യാപ്റ്റന്‍ എബി ഡിവില്ല്യേസിനെ മറികടന്നാണ് കൊഹ്‌ലി ഒന്നാമതെത്തിയത്. ഡീവില്ല്യേസ് മൂന്നാം സ്ഥാനത്തേക്ക് എത്തിയതോടെ ഓസ്‌ട്രേലിയന്‍ താരം ഡേവിഡ് വാര്‍ണറാണ് രണ്ടാം സ്ഥാനത്ത്. ആദ്യപത്തുസ്ഥാനങ്ങളില്‍ കൊഹ്‌ലിയെ കൂടാതെ ശിഖര്‍ ധവാന്‍ മാത്രമാണ് ഉള്‍പ്പെട്ടിട്ടുള്ളത്. പത്താംസ്ഥാനത്താണ് ശിഖര്‍ ധവാന്‍.
ഇംഗ്ലണ്ട് താരം ജോ റൂട്ട്, കെയ്ന്‍ വില്യംസണ്‍, ന്യൂസിലാന്റ് ക്യാപ്റ്റന്‍ ഹോസ് സ്ട്രീക്ക് എന്നിവരാണ് ആദ്യ അഞ്ചുസ്ഥാനങ്ങളില്‍. ബൗളിംഗില്‍ ഓസ്‌ട്രേലിയന്‍ താരം ജോഷ് ഹസില്‍വുഡാണ് ഒന്നാം സ്ഥാനത്ത്. ബൗളിംഗ് നിരയില്‍ ഭുവനേശ്വര്‍കുമാര്‍ 13ാം സ്ഥാനത്താണ്. ഉമേഷ് യാദവ് 41ാമതും ജസ്പ്രിത് ഭുംറ 43ാമതുമാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
