ഡോര്ട്ട്മുണ്ട്: ജര്മന് കുപ്പായത്തില് അവസാന മത്സരത്തിനിറങ്ങിയ സ്റ്റാര് സ്ട്രൈക്കര് ലൂക്കാസ് പെഡോള്സ്ക്കിയുടെ കിടിലന് ഗോളില് ഇംഗ്ലണ്ടിനെതിരേ നടന്ന സൗഹൃദമത്സരത്തില് ജര്മനിക്ക് ജയം. ഏകപക്ഷീയമായ ഒരു ഗോളിനാണ് ജര്മനി ജയിച്ചത്. സ്വന്തം നാട്ടില് നടക്കുന്ന മത്സരത്തില് പൊഡോള്സ്ക്കി തന്നെയാണ് ജര്മനിയെ നയിച്ചത്.
ജര്മനിക്കായി 130ാം മത്സരത്തിനിറങ്ങിയ പെഡോള്സ്ക്കി കഴിഞ്ഞ യൂറോ കപ്പിന് ശേഷം വിരമിക്കല് പ്രഖ്യാപിച്ചിരുന്നു. 2014 ലോകപ്പില് ജര്മനി കിരീടം നേടുന്നതില് പ്രധാന പങ്കുവഹിച്ച താരം രാജ്യത്തിനായി ആകെ 49 ഗോളുകള് നേടിയിട്ടുണ്ട്.
ഇംഗ്ലണ്ട് ടീമിന്റെ പുതിയ പരിശീലകനായി ചുമതലയേറ്റ ഗെരത് സൗത്ത്ഗേറ്റിന് ആദ്യ മത്സരത്തില് തന്നെ തോല്വി വഴങ്ങിയത് തിരിച്ചടിയാകും. പന്ത് ഹോള്ഡ് ചെയ്തു കളിക്കുന്നതിന് നിര്ദേശം ലഭിച്ച ഇംഗ്ലണ്ട് ടീം ആക്രമണത്തിന് അവസരം കിട്ടുമ്പോള് മാത്രമാണ് മുതിര്ന്നത്.
മെസ്യുത് ഓസില്, ജുലിയന് ഡ്രാക്സലര്, ജെറോം ബോട്ടെങ്, സെമിഖദീര എന്നിവരില്ലാത്ത ജര്മിനിയെ തോല്പ്പിക്കാന് ഇംഗ്ലണ്ടിന് സാധിച്ചില്ല. അതേസമയം, ഇംഗ്ലണ്ട് നിരയില് ലെസ്റ്റര് ഹീറോ ജാമി വാര്ഡി ജര്മന് പ്രതിരോധത്തെ അവസരം കിട്ടുമ്പോഴെല്ലാം പരീക്ഷിച്ചുകൊണ്ടിരുന്നു. 69മത് മിനുട്ടിലാണ് പെഡോള്സ്ക്കി ജര്മനിക്ക് വേണ്ടിയുള്ള തന്റെ അവാസന ഗോള് അടിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ