സണ്ണി കേരളത്തെ അങ്ങിനെ വിടാന് ഉദ്ദേശിച്ചിട്ടില്ല. സംശയമുള്ളവര് കേട്ടോളു, പ്രീമിയില് ഫുട്സാലിലെ കേരള ടീമായ കേരള കോബ്രാസിന്റെ ബ്രാന്ഡ് അംബാസിഡറായും, സഹ ഉടമയായും മാറിയിരിക്കുകയാണ് ബോളിവുഡ് താരം സണ്ണി ലിയോണ് ഇപ്പോള്.
കൊച്ചിയില് ഷോറും ഉദ്ഘാടനത്തിന് എത്തിയ സണ്ണി തീര്ത്ത അലയൊലികള് തന്നെയാണ് വീണ്ടും സണ്ണിയെ കേരളവുമായി ബന്ധിപ്പിക്കുന്നതിന് വഴി ഒരുക്കിയത്. ആയിരങ്ങളായിരുന്നു അന്ന് സണ്ണിയെ കാണാന് ഒഴുകിയെത്തിയത്.
ആരാധകര് അലയൊലികള് തീര്ത്തതോടെ ദേശീയ മാധ്യമങ്ങള് വരെ സണ്ണിയുടെ കൊച്ചിയിലേക്കുള്ള വരവ് വാര്ത്തയാക്കിയിരുന്നു. ഐപിഎല്, ഐഎസ്എല് മത്സരങ്ങളില് സണ്ണിയുടെ സാന്നിധ്യമുണ്ടായിട്ടുണ്ടെങ്കിലും, കേരള ടീമിന്റെ ബ്രാന്ഡ് അംബാസിഡറായും, സഹ ഉടമയായും സണ്ണി ലിയോണ് എത്തുന്നു എന്നത് ആരാധകരെ ആവേശത്തിലാഴ്ത്തും എന്നുറപ്പ്.
ഇന്ഡോര് ഫുട്ബോള് ഗെയിമിന്റെ രൂപത്തിലുള്ള ഫുട്സാല് സീസണ് 2 സെപ്തംബര് 15ന് മുംബൈയില് ആരംഭിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ