ചെന്നൈ: തമിഴ്‌നാട്ടില്‍ കാവേരി പ്രശ്‌നം ശക്തമാകുന്നതിനിടെ ചെന്നൈ ചിദംബരം സ്റ്റേഡിയത്തില്‍ ഐപില്‍ മത്സരം നടത്താനുളള തീരുമാനത്തിനെതിരെ പ്രതിഷേധുമായി സംഘടനകള്‍. പ്രതിഷേധവുമായി എത്തിയവരെ പൊലീസ് തടഞ്ഞു. ഇനിയും പ്രതിഷേധങ്ങള്‍ ഉണ്ടാകുമെന്ന പ്രതീക്ഷയിലാണ് പൊലീസ്. രാത്രി എട്ടുമണിക്കാണ് മത്സരം.
മത്സരത്തില്‍ പ്രതിഷേധ സാധ്യത കണക്കിലെടുത്ത് കനത്ത സുരക്ഷയിലാണ് മത്സരം. സ്റ്റേഡിയത്തിനകത്തും പുറത്തുമായി രണ്ടായിരത്തോളം പൊലീസുകാരെ വിന്യസിച്ചിട്ടുണ്ട്. സ്റ്റേഡിയത്തിനകത്തേക്കുള്ള പ്രവേശനം പോലും കനത്ത നിയന്ത്രണത്തിലാണ്. കറുത്ത ഷര്‍ട്ടോ, ബാഡ്‌ജോ ധരിക്കുന്നവര്‍ക്ക് സ്റ്റേഡിയത്തിലേക്ക് പ്രവേശനമില്ല. മൊബൈല്‍, ലാപ്‌ടോപ്പ്, കൊടികള്‍, ബാനറുകള്‍ തുടങ്ങിയവയ്ക്കും സ്റ്റേഡിയത്തില്‍ പ്രവേശനം ഇല്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
