കോമണ്‍വെല്‍ത്ത് ഗെയിംസ്; കാനഡ താരത്തെ മലര്‍ത്തിയടിച്ച് സ്വര്‍ണം ഉയര്‍ത്തി രാഹുല്‍

പാക്കിസ്ഥാന്റെ മുഹമ്മദ് ബിലാലിനെ 12-8ന് സെമിയില്‍ പരാജയപ്പെടുത്തിയായിരുന്നു രാഹുല്‍ ഫൈനലിലേക്ക് എത്തിയത്
കോമണ്‍വെല്‍ത്ത് ഗെയിംസ്; കാനഡ താരത്തെ മലര്‍ത്തിയടിച്ച് സ്വര്‍ണം ഉയര്‍ത്തി രാഹുല്‍

ഗോള്‍ഡ് കോസ്റ്റ്: കോമണ്‍വെല്‍ത്ത് ഗെയിംസില്‍ ഇന്ത്യയ്ക്ക് പതിമൂന്നാം സ്വര്‍ണം. ഫ്രീസ്റ്റൈല്‍ ഗുസ്തിയില്‍ രാഹുല്‍ അവരായിലൂടെയാണ് ഇന്ത്യ സ്വര്‍ണ നേട്ടം പതിമൂന്നിലേക്ക് എത്തിച്ചത്. 

57 കിലോഗ്രാം വിഭാഗത്തില്‍ കാനഡയുടെ സ്റ്റീഫന്‍ തക്കാഷിയെയാണ് രാഹുല്‍ പരാജയപ്പെടുത്തിയത്. 15-7 എന്ന സ്‌കോറിനാണ് രാഹുലിന്റെ ജയം. രാഹുലിന്റെ സ്വര്‍ണ നേട്ടത്തോടെ ഇന്ത്യയുടെ മെഡല്‍ നേട്ടം 27ലേക്കെത്തി. 14 സ്വര്‍ണത്തിന് പുറമെ 6 വെള്ളി, 8 വെങ്കലം എന്നിങ്ങനെയാണ് ഇന്ത്യയുടെ സമ്പാദ്യം.

പാക്കിസ്ഥാന്റെ മുഹമ്മദ് ബിലാലിനെ 12-8ന് സെമിയില്‍ പരാജയപ്പെടുത്തിയായിരുന്നു രാഹുല്‍ ഫൈനലിലേക്ക് എത്തിയത്. എന്നാല്‍ ഫൈനലിനേക്കാള്‍ രാഹുലിന് വെല്ലുവിളി നേരിട്ടത് സെമിയിലായിരുന്നു. വിട്ടുകൊടുക്കാന്‍ തയ്യാറാകാതെ ബിലാല്‍ പൊരുതിയതോടെ ആവേശപ്പോരിന് ഒടുവിലായിരുന്നു രാഹുല്‍ സെമി കടന്നത്.

രാഹുലിന് മുന്നേ 53 കിലോഗ്രാം ഫ്രീസ്റ്റൈല്‍ ഗുസ്തിയില്‍ ഇന്ത്യയ്ക്ക് വേണ്ടി ബബിത കുമാരി മികച്ച പ്രകടനം പുറത്തെടുത്തിരുന്നു. എന്നാല്‍ സ്വര്‍ണത്തിലേക്കുള്ള ബബിതയുടെ കുതിപ്പിന് കാനഡയുടെ ഡയാന വീക്കര്‍ തടയിടുകയായിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com