വെസ്റ്റ് ഇന്ഡീസിനെതിരായ മൂന്നാം ഏകദിനത്തില് 18 റണ്സിന് ബംഗ്ലാദേശ് ജയം പിടിച്ചു. സാധാരണ ഏകദിന മത്സരമായിരുന്നു അതെങ്കിലും ആ മത്സരത്തില് പിറന്ന വിചിത്രമായ നോബോളിലേക്കാണ് ഇപ്പോള് ക്രിക്കറ്റ് പ്രേമികളുടെ ശ്രദ്ധ.
വെസ്റ്റ് ഇന്ഡീസ് ഫാസ്റ്റ് ബൗളര് ഷെല്ഡന് കോട്രെലിന്റെ ഡെലിവറി ബാറ്റ്സമാനിലേക്കും എത്തിയില്ല, വിക്കറ്റ് കീപ്പര്ക്കും തൊടാനായില്ല. പന്ത് നേരെ പോയത് സെക്കന്ഡ് സ്ലിപ്പിലേക്ക്. പന്ത് എങ്ങിനെ ഇങ്ങനെ പറന്നുവെന്ന ആലോചനയിലാണ് ക്രിക്കറ്റ് പ്രേമികള് ഇപ്പോള്.
അമ്പയര് ഉടനെ തന്നെ അത് നോബോള് വിധിച്ചു. എന്നാല് നോബോളിനൊക്കെ ഒരു പരിതി ഇല്ലേയെന്നാണ് ആരാധകരുടെ ചോദ്യം. മോശം ഡെലിവറിക്ക് ഉടനെ തന്നെ കോട്രെല് ക്ഷമ ചോദിച്ചു. പക്ഷേ ക്രിക്കറ്റ് ലോകത്തെ ഏറ്റവും വിചിത്രമായ ഡെലിവറി എന്ന പേരില് അത് രേഖപ്പെടുത്തി കഴിഞ്ഞിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ