ലോക ബാഡ്മിന്റണ്‍ ചാമ്പ്യന്‍ഷിപ്പിന്റെ ക്വാര്‍ട്ടറില്‍ ഇന്ത്യയുടെ സൈന നെഹ് വാളിനെ തറപറ്റിച്ച് സ്‌പെയിന്‍ താരം കരോലിന മരിന്‍. 21-6, 21-11 എന്നിങ്ങനെ നേരിട്ടുള്ള സെറ്റുകള്‍ക്കായിരുന്നു ഇന്ത്യയുടെ പ്രതീക്ഷകള്‍ കരോലിന തല്ലിക്കെടുത്തിയത്.
സൈനയ്ക്ക് തിരിച്ചു വരവിന് അവസരം നല്‍കാതെ ആധികാരികമായിട്ടായിരുന്നു അരമണിക്കൂര്‍ കൊണ്ട് സ്‌പെയിന്‍ താരം മത്സരം അവസാനിപ്പിച്ചത്. ഒളിംപിക് ചാമ്പ്യനും, രണ്ട് വട്ടം ലോക ബാഡ്മിന്റന്‍ ചാമ്പ്യനുമായിരുന്നു കരോലിന.
2015ല്‍ ലോക ബാഡ്മിന്റണ്‍ ചാമ്പ്യന്‍ഷിപ്പില്‍ സൈനി വെള്ളിയും 2017ല്‍ വെങ്കലവും നേടിയിരുന്നു. ഇനി സിന്ധുവിലാണ് ഇന്ത്യയുടെ പ്രതീക്ഷ. മൂന്നാം സീഡായ സിന്ധു എട്ടാം സീഡായ ജപ്പാന്റെ നസോമി ഒക്കുഹരയെയാണ് നേരിടുന്നത്. ഇന്ത്യയുടെ ബി.എസ്.പ്രണീത് ആറാം സീഡായ കെന്റോ മൊമോട്ടോയെ ക്വാര്‍ട്ടറില്‍ നേരിടും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
