മെസൂട് ഓസിലിന് പിന്നാലെ ജര്മന് കുപ്പായം അഴിച്ച് മാരിയോ ഗോമസ്. 2018ലെ ലോക കപ്പില് രാജ്യത്തിനായി കളിക്കണം എന്ന തന്റെ ആഗ്രഹം പൂര്ത്തിയായെന്നും, ഇനി യുവ താരങ്ങള് കടന്നു വരട്ടേയെന്നും പറഞ്ഞാണ് ഗോമസ് വിരമിക്കല് പ്രഖ്യാപിച്ചത്.
ജര്മന്-സ്പാനിഷ് വംശജനാണ് ഗോമസ്. എന്നാല് ഓസില് ഉന്നയിച്ച വംശീയ ആരോപണങ്ങള് ഗോമസില് നിന്നുമുണ്ടായില്ല. 2007 നും 2018നും ഇടയ്ക്കുള്ള 11 വര്ഷ കാലമാണ് ഗോമസ് ജര്മന് ടീമിന് വേണ്ടി കളിച്ചത്.
2010 ലോക കപ്പില് ഗോമസ് ജര്മനിക്ക് വേണ്ടി കളിച്ചിരുന്നു. എന്നാല് പരിക്കിനെ തുടര്ന്ന് 2014ല് ജര്മന് ടീമിന് വേണ്ടി കളത്തിലിറങ്ങാനായില്ല. 78 മത്സരങ്ങള് ഗോമസ് ഇതിനോടകം ജര്മനിക്ക് വേണ്ടി കളിച്ചു കഴിഞ്ഞു. 37 തവണ ഗോള് വല കുലുക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ