കഴിഞ്ഞ ദിവസം അരങ്ങേറിയ ബാഴ്‌സലോണ- സെവിയ്യ സ്പാനിഷ് സൂപ്പര്‍ കപ്പ് പോരാട്ടം ശ്രദ്ധേയമായത് ലയണല്‍ മെസിയുടെ മികച്ച പ്രകടനത്താലാണ്. നായകനായി കിരീടപ്പോരിനിറങ്ങിയ മെസി ഉജ്ജ്വല പ്രകടനമാണ് കളത്തിലെടുത്തത്. ഗോളടിക്കുന്നതിനൊപ്പം ഗോളടിപ്പിക്കാന്‍ മെസി ആ മത്സരത്തില്‍ പുറത്തെടുത്ത പ്രകടനം ഇപ്പോള്‍ സോഷ്യല്‍ മീഡിയയില്‍ വൈറലാണ്. മെസിയുടെ കാലുകളില്‍ നിന്ന് പാസുകളുടെ പെരുമഴയായിരുന്നു. നിരവധി മികച്ച കീ പാസുകളാണ് മത്സരത്തിലുടനീളം മെസി സഹതാരങ്ങള്‍ക്കു നല്‍കിയത്. മത്സരത്തില്‍ ബാഴ്‌സലോണ 2-1ന് വിജയിച്ച് സൂപ്പര്‍ കപ്പ് സ്വന്തമാക്കി സീസണിന് ഗംഭീര തുടക്കമിട്ടു.
മത്സരത്തിന്റെ പതിനാറാം മിനുട്ടില്‍ സുവാരസിനു വേണ്ടി മെസി നല്‍കിയ കീ പാസാണ് സോഷ്യല്‍ മീഡിയയില്‍ ഇപ്പോള്‍ തരംഗമാകുന്നത്. ഏഴ് സെവിയ്യ താരങ്ങള്‍ മെസിക്കു മുന്‍പില്‍ നില്‍ക്കുമ്പോഴാണ് അവര്‍ക്കിടയിലൂടെ മെസി സുവാരസിലേക്കു പന്തെത്തിച്ചത്. എന്നാല്‍ സുവര്‍ണാവസരം ലഭിച്ചിട്ടും അത് മുതലാക്കാന്‍ സുവാരസടക്കമുള്ള മുന്നേറ്റ താരങ്ങള്‍ക്ക് കഴിഞ്ഞില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
