പ്രതിരോധിച്ച് നിന്നായിരുന്നു അഡ്ലെയ്ഡില് ഓസ്ട്രേലിയയുടെ കളി. ഷോട്ട് ഉതിര്ക്കാന് മുതിരാതെ പ്രതിരോധിച്ച നിന്ന് ഓസീസ് ബാറ്റ്സ്മാന്മാര് കളിക്കവെ, അശ്വിന്റെ പന്തില് ബാറ്റ് വയ്ക്കാതെ വിട്ട കമിന്സിന്റെ കളിയാണ് ഇപ്പോള് ക്രിക്കറ്റ് പ്രേമികളുടെ ചര്ച്ച. കമിന്സിനെ നട്ട്മെഗ് ചെയ്ത അശ്വിന്റെ കിടു ബോള്.
കമിന്സിന്റെ കാലുകള്ക്ക് ഇടയിലൂടെയാണ് ബോള് പോയത്. പക്ഷേ പക്ഷേ പാഡിലും സ്റ്റമ്പിലും ബോള് തൊട്ടില്ല. എങ്ങിനെ സ്റ്റമ്പ് തൊടാതെ ആ ബോള് പോയെന്നതിന്റെ അത്ഭുതത്തിലാണ് ക്രിക്കറ്റ് പ്രേമികള്. ഭാഗ്യം കൊണ്ട് മാത്രം രക്ഷപെടുകയായിരുന്നു കമിന്സ്.
76ാം ഓവറിലെ നാലാം ഡെലിവറിയിലായിരുന്നു സംഭവം. അവിടെ നിന്നുമുള്ള രക്ഷപെടലിലൂടെ ഹെഡിന് ഒപ്പം ചേര്ന്ന് 50 റണ്സ് കൂട്ടുകെട്ട് തീര്ക്കാന് കമിന്സിനായി. 81ാം ഓവറിലാണ് പിന്നെ കമിന്സിനെ മടക്കാന് ഇന്ത്യന് ബൗളര്മാര്ക്കായത്. 47 ബോളില് നിന്നും പത്ത് റണ്സാണ് നേടിയത് എങ്കിലും ആ കൂട്ടുകെട്ട് ഓസീസ് ഇന്നിങ്സില് നിര്ണായകമായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ