മെല്‍ബണ്‍: ഇന്ത്യക്കെതിരായ മൂന്നാം ടെസ്റ്റിൽ ഓസ്ട്രേലിയ പതറുകയാണ്. മികച്ച പന്തുകളുമായി ബൗളർമാർ കളം വാണപ്പോൾ ഓസീസ് ബാറ്റിങ് ആടിയുലയുകയാണ്. ഇന്ത്യൻ ബൗളർമാരിൽ ഓസ്ട്രേലിയൻ ബാറ്റിങിന് തലവേദന സൃഷ്ടിക്കുന്നത് ജസ്പ്രിത് ബുംറയാണ്. താരത്തിന്റെ വൈവിധ്യം നിറച്ച ബൗളിങാണ് അവരെ വെട്ടിലാക്കിയത്.
ബുംറയുടെ ഒരു തകര്‍പ്പന്‍ ബൗളിങാണ് ഇപ്പോൾ ചർച്ചാ വിഷയം. ഷോണ്‍ മാര്‍ഷിനെ പുറത്താക്കിയ പന്താണ് ക്രിക്കറ്റ് ലോകത്തെ അമ്പരപ്പിച്ചത്. ബുംറയെ മനോഹരമായി കളിച്ച് മുന്നേറുകയായിരുന്നു മാര്‍ഷ്. യോര്‍ക്കറും ഗുഡ് ലെങ്ത് പന്തുകളുമെല്ലാം ഷോൺ മാർഷ് നന്നായി തന്നെ പ്രതിരോധിച്ചു. താരം നിലയുറപ്പിക്കുമെന്ന തോന്നലുണർത്തിയ ഘട്ടത്തിൽ ഒരു സ്ലോ യോര്‍ക്കറെറിഞ്ഞ് ബുംറ മാർഷിനെ പവലിയനിലേക്ക് മടങ്ങി. ഞൊടിയിടയില്‍ ബുംറ തന്ത്രം മാറ്റിയപ്പോള്‍ മാര്‍ഷിന് പിഴച്ചു. ആക്ഷനില്‍ ഒരു മാറ്റവും വരുത്താതെ സ്ലോവര്‍ യോര്‍ക്കര്‍ കൊണ്ടുവന്നപ്പോള്‍ മാര്‍ഷ് വിക്കറ്റിന് മുന്നില്‍ കുടുങ്ങി. തന്റെ വിക്കറ്റ് വീണത് ഒരു നിമിഷം മാർഷിന് പോലും വിശ്വസിക്കാൻ സാധിച്ചില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
