'ഈ ഗോള്‍ മൂത്തച്ഛന്' :  സി കെ വിനീത്, വണ്ടര്‍ ഗോള്‍ കാണാം ( വീഡിയോ )

പൂനെ സിറ്റിക്കെതിരായ മല്‍സരത്തില്‍ നേടിയ വണ്ടര്‍ ഗോളാണ് അടുത്തിടെ മരിച്ച മൂത്തച്ഛന് വിനീത് സമര്‍പ്പിച്ചത്
'ഈ ഗോള്‍ മൂത്തച്ഛന്' :  സി കെ വിനീത്, വണ്ടര്‍ ഗോള്‍ കാണാം ( വീഡിയോ )

കൊച്ചി : പൂനെ സിറ്റിയെ തകര്‍ത്ത വിജയഗോള്‍ മൂത്തച്ഛന്റെ സ്മരണയ്ക്ക് മുന്നില്‍ സമര്‍പ്പിച്ച് സി കെ വിനീത്. പൂനെ സിറ്റിക്കെതിരായ മല്‍സരത്തില്‍ അവസാന നിമിഷം നേടിയ വണ്ടര്‍ ഗോളാണ് അടുത്തിടെ മരിച്ച മൂത്തച്ഛന് വിനീത് സമര്‍പ്പിച്ചത്.  

മല്‍സരഫലം സമനിലയെന്നുറപ്പിച്ച ഘട്ടത്തിലാണ് ഇഞ്ചുറിടൈമില്‍ സികെ വിനീതിന്റെ അത്ഭുത ഗോള്‍ പിറക്കുന്നത്. ലോംഗ് റേഞ്ചര്‍ പിടിച്ചെടുത്ത് ഗോളിലേക്ക് തൊടുത്ത പന്ത് വലയില്‍ പതിച്ചപ്പോള്‍, ബ്ലാസ്‌റ്റേഴ്‌സിന്റെ അത്ഭുത വിജയം മാത്രമല്ല, സെമി സാധ്യത കൂടിയാണ് തെളിഞ്ഞത്. 93 ആം മിനുട്ടിലായിരുന്നു വിനീതിന്റെ ഗോള്‍. 

മല്‍സര വിജയത്തോടെ കേരള ബ്ലാസ്റ്റേഴ്‌സ് പട്ടികയില്‍ അഞ്ചാം സ്ഥാനത്തേക്ക് ഉയര്‍ന്നു. ഇതാദ്യമായല്ല സികെ വിനീത് ഇഞ്ചുറി ടൈം ഗോളോടെ ടീമിന്റെ രക്ഷകനാകുന്നത്. ചെന്നൈയിന്‍ എഫ്‌സിക്കെതിരെയും നേരത്തെ വിനീത് ഇഞ്ചുറി ടൈമില്‍ ഗോള്‍ നേടിയിരുന്നു. പൂനെക്കെതിരെ വിനീത് നേടിയ ഗോള്‍ ഈ സീസണിലെ മികച്ച ഗോളുകളിലൊന്നു കൂടിയാണ്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com