80ാം റാങ്ക് താരം ചിറകൊന്ന് ഒടിച്ചെങ്കിലും ക്വാര്‍ട്ടറിലേക്ക് പറന്ന് ഫെഡറര്‍

മൂന്ന് റൗണ്ടുകള്‍ വിജയിച്ചെത്തിയ ഹംഗേറിയന്‍ താരത്തിന്റെ ആത്മവിശ്വാസത്തിന് മുന്നില്‍ ഫെഡറര്‍ക്ക് ജയിച്ചു കയറാന്‍ വിയര്‍ക്കേണ്ടി വന്നു
80ാം റാങ്ക് താരം ചിറകൊന്ന് ഒടിച്ചെങ്കിലും ക്വാര്‍ട്ടറിലേക്ക് പറന്ന് ഫെഡറര്‍

19 ഗ്രാന്‍സ്ലാമുകള്‍ കൊയ്ത ലോക രണ്ടാം നമ്പര്‍ താരത്തെ അനായാസ ജയത്തിലേക്ക് വിടാന്‍ റാങ്കിങ്ങില്‍ 80ാം സ്ഥാനത്ത് നില്‍ക്കുന്ന ഹംഗേറിയന്‍ താരം മര്‍ടണ്‍ ഫക്‌സോവിക്‌സ് തയ്യാറായിരുന്നില്ല. ഓസ്‌ട്രേലിയന്‍ ഓപ്പണിന്റെ ക്വാര്‍ട്ടര്‍ ഫൈനലിലേക്ക് എത്തിയെങ്കിലും, ഫെഡററിന്റെ കളി ആരാധകരെ തൃപ്തിപ്പെടുത്തുന്നില്ല. 

ഒരു ഗ്രാന്‍ഡ്സ്ലാം മത്സരത്തില്‍ പറയത്തക്ക നേട്ടമൊന്നും ഇതുവരെ സ്വന്തമാക്കാന്‍ സാധിക്കാത്ത താരമായിരുന്നു ഫക്‌സോവിക്‌സ് ഒസ്‌ട്രേലിയന്‍ ഓപ്പണില്‍ എത്തുന്നത് വരെ. എന്നാല്‍ മൂന്ന് റൗണ്ടുകള്‍ വിജയിച്ചെത്തിയ ഹംഗേറിയന്‍ താരത്തിന്റെ ആത്മവിശ്വാസത്തിന് മുന്നില്‍ ഫെഡറര്‍ക്ക് ജയിച്ചു കയറാന്‍ വിയര്‍ക്കേണ്ടി വന്നു. 6-4, 7-6, 6-2 എന്നിങ്ങനെ മൂന്ന് സെറ്റ് നീണ്ട പോരാട്ടത്തിലായിരുന്നു ഫെഡറര്‍ ജയം പിടിച്ചത്. 

1977ല്‍ കെന്‍ റോസ് വെല്ലിന് ശേഷം ഓസ്‌ട്രേലിയന്‍ ഓപ്പണിന്റെ ക്വാര്‍ട്ടര്‍ ഫൈനലില്‍ എത്തുന്ന ഏറ്റവും പ്രായം കൂടിയ താരമെന്ന റെക്കോര്‍ഡും ഫെഡറര്‍ സ്വന്തമാക്കി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com