ഗോള്‍ 2018: ദേവഗിരി സെന്റ് ജോസഫ്‌സ് പ്രീ ക്വാര്‍ട്ടറില്‍; എസ്എസ് കോളജിനെ തറപറ്റിച്ചത് പെനാല്‍റ്റി ഷൂട്ടൗട്ടില്‍
By സമകാലിക മലയാളം ഡെസ്‌ക്ക്‌ | Published: 25th January 2018 08:29 PM |
Last Updated: 25th January 2018 08:32 PM | A+A A- |
കൊച്ചി: ഇന്ത്യന്‍ എക്‌സ്പ്രസ് ഗോള്‍ ഇന്റര്‍ കോളജ് ഫുട്‌ബോള്‍ ടൂര്‍ണമെന്റില്‍ കോഴിക്കോട് ദേവഗിരി സെന്റ് ജോസഫ്‌സ് കോളജ് പ്രീ ക്വാര്‍ട്ടറില്‍. അത്യന്തം ആവേശം നിറഞ്ഞു നിന്ന കളിയില്‍ പെനാല്‍റ്റി ഷൂട്ടൗട്ടിലൂടെയാണ് സെന്റ് ജോസഫ് കോളജ് പ്രീ ക്വാര്‍ട്ടറില്‍ പ്രവേശിച്ചത്. മഹാരാജാസ് കോളജ് ഗ്രൗണ്ടില്‍ നടന്ന മത്സരത്തില്‍ അരീക്കോട് എസ്എസ് കോളജിനെയാണ് സെന്റ് ജോസഫ്‌സ് പരാജയപ്പെടുത്തിയത്.
ആദ്യ പകുതിയില്‍ ഒരു ഗോളിന് മുന്നിട്ടു നിന്ന എസ്എസ് കോളജിനെതിരെ രണ്ടാം പകുതിയിലാണ് സെന്റ് ജോസഫ്‌സ് തിരിച്ചടിച്ചത്. പത്താം മിനിറ്റില്‍ റിഷാബുദ്ദീനാണ് എസ്എസ് കോളജിന് വേണ്ടി ഗോള്‍ നേടിയത്. 52ാം മിനിറ്റില്‍ ആനന്ദ് റോഷനിലൂടെ സെന്റ് ജോസഫ് ഒപ്പമെത്തി.
പിന്നീട് പെനാല്‍റ്റി ഷൂട്ടൗട്ടില്‍ മൂന്നു ഗോളുകള്‍ സെന്റ് ജോസഫ്‌സ് നേടിയപ്പോള്‍ ഒരു ഗോള്‍ നേടാന്‍ മാത്രമേ എസ്എസ് കോളജിന് സാധിച്ചുള്ളു.
നാളെത്തെ മത്സരങ്ങളില്‍ മഞ്ചേരി എന്‍എസ്എസ് കോളജ് തൃശൂര്‍ സെന്റ് തോമസ് കോളജിനേയും തിരുവനന്തപുരം യൂണിവേഴ്‌സിറ്റി കോളജ് കോഴിക്കോട് ഗുരുവായൂരപ്പന്‍ കോളജിനെയും നേരിടും.
