ഇന്ത്യന് ടെന്നീസ് താരം സാനിയ മിര്സ അമ്മയാകാനുള്ള ഒരുക്കത്തിലാണ്. ഇക്കഴിഞ്ഞ ഏപ്രിലില് ബേബി മിര്സ മലിക് എന്ന ഹാഷ്ടാഗിനൊപ്പം മൂന്ന് ടീ ഷര്ട്ടുകളുടെ ഫോട്ടോ സാനിയ മിര്സയും ഭര്ത്താവും പാക്കിസ്ഥാന് ക്രിക്കറ്റ് താരവുമായ ഷൊയ്ബ് മാലിക്കും സമൂഹ മാധ്യമങ്ങളിലൂടെ പങ്കുവച്ചാണ് ഗര്ഭിണിയാണെന്ന കാര്യം ഇരുവരും വ്യക്തമാക്കിയത്.
പുതിയ അതിഥിയെ കാത്തിരിക്കുകായാണ് ഇന്തോ- പാക് ദമ്പതികള്. അതിനിടെ ആരാധകര്ക്കായി മാതൃത്വം ആഘോഷമാക്കുന്ന ചിത്രങ്ങള് പങ്കുവച്ചിരിക്കുകയാണ് ഇപ്പോള് സാനിയ. തന്റെ ഇന്സ്റ്റഗ്രാമിലാണ് സാനിയ വിവിധ ചിത്രങ്ങള് പോസ്റ്റ് ചെയ്തിരിക്കുന്നത്. അനം മിര്സ രൂപകല്പന ചെയ്ത ഇന്തോ- വെസ്റ്റേണ് ലുക്കിലുള്ള അനാര്ക്കലി ധരിച്ചു നില്ക്കുന്ന ചിത്രവും ഇക്കൂട്ടത്തിലുണ്ട്. കുലീനത്വമുള്ള ഗര്ഭം മറച്ചുവയ്ക്കാത്ത വസ്ത്രമാണ് താരം ധരിച്ചിരുന്നത്. ചിത്രങ്ങളിപ്പോള് ഹിറ്റായി മാറിയിരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ