'സ്വപ്‌ന തുല്യം ഈ നേട്ടം': വിംബിള്‍ഡണില്‍ മുത്തമിട്ട് കെര്‍ബര്‍ 

സ്‌റ്റെഫിഗ്രാഫിന് ശേഷം വിംബിള്‍ഡണ്‍ നേടുന്ന ആദ്യ ജര്‍മ്മന്‍ താരമാണ് കെര്‍ബര്‍.സെറീനയ്‌ക്കെതിരെ കെര്‍ബര്‍ നേടുന്ന മൂന്നാമത്തെ വിജയമാണിത്
 'സ്വപ്‌ന തുല്യം ഈ നേട്ടം': വിംബിള്‍ഡണില്‍ മുത്തമിട്ട് കെര്‍ബര്‍ 

ലണ്ടന്‍: വിംബിള്‍ഡണ്‍ വനിതാ സിംഗിള്‍സ് കിരീടം ജര്‍മ്മനിയുടെ ആഞ്ജലിച്ച് കെര്‍ബറിന്. സെറീനാ വില്യംസിനെ നേരിട്ടുള്ള സെറ്റുകള്‍ക്കാണ് കെര്‍ബര്‍ പരാജയപ്പെടുത്തിയത്.സ്‌കോര്‍ 6-3,6-3. വിംബിള്‍ഡണില്‍ കെര്‍ബറിന്റെ ആദ്യ കിരീടനേട്ടമാണിത്. 

സ്‌റ്റെഫിഗ്രാഫിന് ശേഷം വിംബിള്‍ഡണ്‍ നേടുന്ന ആദ്യ ജര്‍മ്മന്‍ താരമാണ് കെര്‍ബര്‍.സെറീനയ്‌ക്കെതിരെ കെര്‍ബര്‍ നേടുന്ന മൂന്നാമത്തെ വിജയമാണിത്. 2016 ല്‍ ഓസ്‌ട്രേലിയന്‍ ഓപ്പണും യുഎസ് ഓപ്പണും കെര്‍ബര്‍ നേടിയിരുന്നു. 

പുല്‍കോര്‍ട്ടില്‍ മികച്ച കളിയാണ് കെര്‍ബര്‍ പുറത്തെടുത്തത്. ലോകത്തിലെ തന്നെ ഏറ്റവും മികച്ച താരത്തിനെതിരെയാണ് കളിക്കുന്നത് എന്ന് പൂര്‍ണ ബോധ്യമുണ്ടായിരുന്നുവെന്നും സ്വപ്‌നം യാഥാര്‍ത്ഥ്യമായ നിമിഷമാണിതെന്നും കെര്‍ബര്‍ പറഞ്ഞു. സെറീന എല്ലാവര്‍ക്കും പ്രചോദനമാണെന്നും മികച്ച തിരിച്ചുവരവ് നടത്തിയതില്‍ കടപ്പെട്ടിരിക്കുന്നുവെന്നും കെര്‍ബര്‍ കൂട്ടിച്ചേര്‍ത്തു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com