റഷ്യയില്‍ ടീമിന് വേണ്ടി വലിയ അത്ഭുതം നടത്താന്‍ സാധിക്കാത്തതിന്റെ നിരാശ സലയ്ക്കും ഈജിപ്തിനും ഒരുപോലെയുണ്ടാകും. ലോക കപ്പിലേറ്റ കനത്ത പരാജയത്തില്‍ നിന്നും തിരിച്ചു വരാന്‍ തയ്യാറെടുക്കുന്ന മുഹമ്മദ് സലയേ പക്ഷേ മറ്റൊരു ഞെട്ടലാണ് കാത്തിരുന്നത്.
അബദ്ധത്തില്‍ ഈജിപ്ത്യന്‍ മെസിയുടെ അഡ്രസ് ഫേസ്ബുക്കിലൂടെ പരസ്യമാവുകയായിരുന്നു. ഫലമോ, മെസിയുടെ വീടിന് മുന്നില്‍ ജനങ്ങള്‍ തടിച്ചു കൂടി. ലോക കപ്പിലേറ്റ തോല്‍വിയുടെ ദേഷ്യമൊന്നും അവര്‍ക്ക് സലയോട് ഉണ്ടായിരുന്നില്ല.
ഈജിപ്തിലെ ഏറ്റവും പ്രശസ്തനായ തന്നെ കാണാനെത്തിയ ജനങ്ങളെ ഈ ലിവര്‍പൂള്‍ സ്‌ട്രൈക്കറും നിരാശപ്പെടുത്തിയില്ല. അവരുടെ സ്‌നേഹം തിരിച്ചറിഞ്ഞ് സല ജനക്കൂട്ടത്തിനിടയിലേക്കെത്തി. ആള്‍ക്കൂട്ടത്തിന് ഇടയിലേക്ക് ഇറങ്ങാന്‍ പലരും മടക്കുമെങ്കിലും സല അതിന് മടിച്ചില്ല. അവര്‍ക്കരികിലേക്കെത്തി കൈകൊടുത്ത് വേണ്ടവര്‍ക്ക് ഓട്ടോഗ്രാഫും നല്‍കിയാണ് സല അവരെ യാത്രയാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
