ആന്റോണിയോ ജെര്‍മ്മനെ സ്വന്തമാക്കാന്‍ ഗോകുലം എഫ്‌സി

ആന്റോണിയോ ജെര്‍മ്മനെ സ്വന്തമാക്കാന്‍ ഗോകുലം എഫ്‌സി

സൂപ്പര്‍ കപ്പിനു മുമ്പ് തന്നെ ജെര്‍മ്മനെ കേരളത്തിലെത്തിയേക്കം- കേരളത്തിലേക്ക് മടങ്ങാന്‍ ഈ സീസണ്‍ തുടക്കം മുതല്‍ ആഗ്രഹിക്കുന്നതായി ജെര്‍മ്മനറിയച്ചതായി ടീം അധികൃതര്‍ 

കൊച്ചി:മുന്‍ കേരളാ ബ്ലാസ്‌റ്റേഴ്‌സ് സ്‌െ്രെടക്കര്‍ അന്റോണിയോ ജെര്‍മ്മനെ സ്വന്തമാക്കാന്‍ ഒരുങ്ങി ഗോകുലം എഫ് സി. സൂപ്പര്‍ കപ്പിനു മുമ്പ് തന്നെ ജെര്‍മ്മനെ കേരളത്തിലേക്ക് എത്തിക്കാനുള്ള ചര്‍ച്ചകളാണ് നടക്കുന്നത്. കേരളത്തിലേക്ക് മടങ്ങാന്‍ ഈ സീസണ്‍ തുടക്കം മുതല്‍ ആഗ്രഹിക്കുന്ന ജെര്‍മ്മനും ഗോകുലത്തിലേക്ക് വരാന്‍ താല്പര്യമുണ്ട്. കഴിഞ്ഞ ആഴ്ച ഗോകുല എഫ് സിയെ കുറിച്ച് വിവരങ്ങള്‍ അന്വേഷിച്ച് ജെര്‍മ്മന്‍ ട്വിറ്ററില്‍ ട്വീറ്റ് ഇട്ടിരുന്നു.

കേരള ബ്ലാസ്‌റ്റേഴ്‌സ് അവഗണിച്ച ജെര്‍മ്മന്റെ ആഗ്രഹത്തിന് ഗോകുലം എഫ് സി ഇപ്പോള്‍ വാതില്‍ തുറന്നു കൊടുത്തിരിക്കുകയാണ്. ജെര്‍മ്മനുമായി ചര്‍ച്ചകള്‍ നടക്കുകയാണെന്നും ചര്‍ച്ച അവസാന ഘട്ടത്തിലാണെന്നും ഗോകുലം എഫ് സി കോച്ച് ബിനോ ജോര്‍ജ്ജ് അറിയിച്ചു.

എന്നാല്‍ ജെര്‍മ്മന്‍ ചോദിക്കുന്ന കരാര്‍ തുക വളരെ കൂടുതലാണെന്നാണ് ഫാന്‍പോര്‍ട്ടിന് ലഭിക്കുന്ന റിപ്പോര്‍ട്ട്. ഇപ്പോള്‍ ഇംഗ്ലണ്ടിലെ നാഷണല്‍ സൗത്ത് ലീഗ് രണ്ടാം ഡിവിഷനിലെ സെമി പ്രൊഫഷണല്‍ ക്ലബായ ഹെമല്‍ ഹെംസ്റ്റഡിലാണ് ജെര്‍മ്മന്‍ കളിക്കുന്നത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com