സ്വന്തം മണ്ണില് പാക്കിസ്ഥാന് മുന്നില് ഇംഗ്ലണ്ട് തകര്ന്നടിഞ്ഞത് ക്രിക്കറ്റ് ലോകത്തെ തെല്ലൊന്ന് ഞെട്ടിച്ചു. ഇംഗ്ലണ്ടിന്റെ തോല്വിയെ കുറിച്ച് ഫുട്ബോള് ലോകം ചര്ച്ച ചെയ്യുന്നതിന് ഇടയിലാണ് പ്രമുഖ സ്പോര്ട് ലേഖികയായ സൈനബ് അബ്ബാസ് ഒരു ഫോട്ടോയുമായി എത്തിയത്. തലയില് തുണിയിട്ട് മറച്ചിരുന്ന് കളി കാണുന്ന ആ വ്യക്തിയായിരുന്നു സൈനബിന്റെ ലക്ഷ്യം.
അത് ബോളിവുഡ് താരമല്ലേ എന്ന് ചോദിച്ച് മാധ്യമ പ്രവര്ത്തക ട്വിറ്ററിലെത്തി. അതോടെ ക്രിക്കറ്റ്, ബോളിവുഡ് പ്രേമികള്ക്കും കൗതുകമായി. ഇര്ഫാന് ഖാനാണ് അതെന്ന് സൈനബ് പറയുന്നു. ആ മട്ടെല്ലാം കണ്ട് അത് ഇര്ഫാന് ഖാനാണെന്ന് ഇപ്പോള് ആരാധകരും പറയുന്നു.
ഗ്യാലറിയില് കാണികള്ക്ക് നടുവില് തികച്ചും സാധാരണക്കാരനായി തുണികൊണ്ട് തലയും മുഖവും മറച്ചാണ് ആ ഇരിപ്പ്. എന്നാല് അത് താന് തന്നെയെന്ന് ഇര്ഫാന് ഖാന് ഇതുവരെ ഉറപ്പിച്ചിട്ടില്ല. അദ്ദേഹത്തോട് അടുത്ത വൃത്തങ്ങളും പ്രതികരണവുമായി എത്തിയില്ല. പക്ഷേ ഇര്ഫാന് ഖാന് തന്നെയത് എന്ന് ആരാധകര് ഉറപ്പിക്കുന്നു. അദ്ദേഹം എന്റെയടുത്താണ് ഇരുന്നിരുന്നത് എന്നും, അസുഖം കാരണം ആവാം ക്ഷീണിതനായാണ് അദ്ദേഹത്തെ കാണപ്പെട്ടതെന്നും പറഞ്ഞ് മറ്റൊരു വ്യക്തിയും സൈനബിന്റെ ട്വീറ്റ് റീട്വീറ്റ് ചെയ്യുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ