ഗയാന: വനിതാ ട്വന്റി-20 ലോകകപ്പ് സെമിയില് ഇന്ത്യ പുറത്ത്. വിജയലക്ഷ്യമായ 113 റണ്സ് 17.1 ഓവറില് ഇംഗ്ലണ്ട് മറികടന്നതോടെയാണ് ഇന്ത്യന് കിരീടമോഹങ്ങള് അസ്തമിച്ചത്.സ്കോര് രണ്ട് വിക്കറ്റ് നഷ്ടത്തില് ഇംഗ്ലണ്ട് 116.
ഫൈനലില് ഇംഗ്ലണ്ട് ഓസ്ട്രേലിയയെ നേരിടും.
ആമി ജോണ്സും (53) നതാലി ഷെവറു(52)മാണ് ഇംഗ്ലണ്ടിനെ ഫൈനലിലെത്തിച്ചത്. ഒരു റണ്സെടുത്ത് നില്ക്കുമ്പോള് ബ്യൂമോണ്ടിനെയും എട്ട് റണ്സെടുത്ത വ്യാട്ടിനെയും ഇംഗ്ലണ്ടിന് തുടക്കത്തില് നഷ്ടമായിരുന്നു.
ടോസ് നേടി ബാറ്റിങ് തിരഞ്ഞെടുത്തുവെങ്കിലും താളം കണ്ടെത്താനാവാതെ 112 ല് പുറത്തായതോടെ ഇന്ത്യയുടെ വിധി ഏറെക്കുറെ തീരുമാനിക്കപ്പെട്ടിരുന്നു. 23 റണ്സെടുക്കുന്നതിനിടയില് ഇന്ത്യയ്ക്ക് 8 വിക്കറ്റായിരുന്നു നഷ്ടമായത്. സ്മൃതി മന്ദാന (34 )യും റോഡ്രിഗസു (26) മാണ് ഇന്ത്യയെ നാണക്കേടില് നിന്നും രക്ഷിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ