ഭുവനേശ്വര്: ലോകകപ്പ് കിരീടം തേടി സ്വന്തം മണ്ണില് കളിക്കാനിറങ്ങിയ ഇന്ത്യക്ക് തകര്പ്പന് ജയത്തോടെ തുടക്കമിടാന് സാധിച്ചു. പുരുഷ ഹോക്കി ലോകകപ്പിന്റെ തങ്ങളുടെ ആദ്യ മത്സരത്തിനിറങ്ങിയ ഇന്ത്യ മറുപടിയില്ലാത്ത അഞ്ച് ഗോളുകള്ക്ക് ദക്ഷിണാഫ്രിക്കയെ തകര്ത്താണ് തുടക്കം ഉജ്ജ്വലമാക്കിയത്.
ഇന്ത്യക്കായി സിമ്രന്ജീത് സിങ് ഇരട്ട ഗോളുകള് നേടി. കളിയുടെ പത്താം മിനുട്ടില് ക്യാപ്റ്റന് മന്ദീപ് സിങാണ് ഗോള് വേട്ടയ്ക്ക് തുടക്കമിട്ടത്. പിന്നാലെ 12ാം മിനുട്ടില് അക്ഷദീപ് സിങും ഗോള് നേടി. 43ാം മിനുട്ടില് സിമ്രന്ജീത് സിങ്, 45ാം ലളിത് ഉപാധ്യായ്, സിമ്രന്ജീത് സിങ് തന്റെ രണ്ടാം ഗോള് 46ാം മിനുട്ടിലും നേടി പട്ടിക തികച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ