എതാനും ദിവസത്തേക്ക് ഗെയിം ഓവര് എന്ന് പറഞ്ഞായിരുന്നു ഓസീസ് മുന് ക്രിക്കറ്റ് താരം മാത്യു ഹെയ്ഡന് സര്ഫിങ്ങിനിടെ പരിക്കേറ്റതിന്റെ ഫോട്ടോ ആരാധകരുമായി പങ്കുവെച്ചത്. ക്രിക്കറ്റ് ആരാധകരെ സങ്കടപ്പെടുത്തുന്നതായിരുന്നു ആ ഫോട്ടോ എങ്കിലും അതില് തമാശയുമായി വരികയാണ് സൗത്ത് ആഫ്രിക്കന് മുന് ക്രിക്കറ്റ് താരം ജോണ്ടി റോഡ്സ്.
ഹെയ്ഡന് പങ്കുവെച്ച ഫോട്ടോയില് അദ്ദേഹത്തിന്റെ തലയിലെ മുറിവുകള് വ്യക്തമായിരുന്നു. തമിഴ്നാടുമായി ഏറെ അടുപ്പം പുലര്ത്തുന്ന ഹെയ്ഡനെ തമിഴ്നാടിന്റെ പേരില് ട്രോളുകയാണ് ദക്ഷിണാഫ്രിക്കന് താരം. തമിഴ്നാടിന്റെ ഭൂപടം എന്താണ് തലയില് വരച്ചിരിക്കുന്നത്? ഇതാണ് ആത്മാര്ത്ഥത എന്നാണ് ജോണ്ടി റോഡ്സ് ട്വിറ്ററില് കുറിച്ചത്.
ചെന്നൈ സൂപ്പര് കിങ്സില് കളിച്ചതിന് പിന്നാലെ തമിഴ്നാട് പ്രീമിയര് ലീഗില് സ്റ്റാര് സ്പോര്ട്സിന്റെ കമന്ററി ടീമിലേക്കും ഹെയ്ഡന് വന്നിരുന്നു. ഇങ്ങനെ തമിഴ്നാടുമായി ഏറെ നാളത്തെ ആത്മബന്ധമാണ് ഹെയ്ഡനുള്ളത്. പരിക്ക് പറ്റി വീണപ്പോള് ആ ബന്ധം തന്നെ എടുത്ത് ട്രോളുകയാണ് ജോണ്ടി റോഡ്സ്.
ഓസ്ട്രേലിയയിലെ സ്ട്രാഡ്ബ്രോക്ക് ദ്വീപില് മകന് ജോഷിനൊപ്പം സര്ഫിങ് നടത്തുന്നതിന് ഇടയിലായിരുന്നു അപകടം. ഒരുമിച്ചു വന്ന തിരമാലകളില്പ്പെട്ട നിയന്ത്രണം നഷ്ടപ്പെടുകയായിരുന്നു എന്ന് ഹെയ്ഡന് പറയുന്നു. കഴുത്തിന് താഴെ നട്ടെല്ലിനും ലിഗ്മെന്റിനുമാണ് പരിക്കേറ്റത് എന്നും തലനാരിഴയ്ക്ക് രക്ഷപെടുകയായിരുന്നു എന്നും ഹെയ്ഡന് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ