മൈതാനത്തെ നെയ്മറുടെ കളി മാത്രമല്ല, ഹെയര്സ്റ്റൈലും, ദേഹത്തെ ടാറ്റൂവുമെല്ലാം ആരാധകര്ക്ക് വിഷയമാണ്. ലോകത്താകമാനം ആരാധകരുണ്ട് ബ്രസീല് താരത്തിന്. ആരാധകര് തന്നെ സൂപ്പര് ഹീറോ ആയി കരുതുമ്പോള് നെയ്മര് തന്റെ സൂപ്പര് ഹീറോമാരെയാണ് ദേഹത്ത് പച്ചകുത്തുന്നത്.
ബാറ്റ്മാനേയും സ്പൈഡര്മാനേയും മുതുകില് ടാറ്റുവാക്കിയാണ് നെയ്മര് ആരാധകര്ക്ക് മുന്നില് ഇപ്പോള് പ്രത്യക്ഷപ്പെടുന്നത്. മൂന്ന് സ്പൈഡര്മാന് സീരിസില് നിന്നുമാണ് പിഎസ്ജി സ്ട്രൈക്കര് സ്പൈഡര്മാനെ എടുത്തിരിക്കുന്നത്. ദി ഡാര്ക്ക് നൈറ്റ് റൈസസില് നിന്നുമാണ് ബാറ്റ്മാനെ നെയ്മര് ടാറ്റുവിനായി തിരഞ്ഞെടുത്തത്.
എന്നാല് മാര്വല്-ഡിസി കോമ്പിനേഷന് നെയ്മര് തിരഞ്ഞെടുത്തതിനെ അംഗീകരിക്കാന് ആരാധകരില് പലര്ക്കും വയ്യ. എന്താലായും നെയ്മറിന്റെ സൂപ്പര് ഹീറോ പ്രേമം ആരാധകരില് കൗതുകം നിറച്ചു കഴിഞ്ഞു. സമൂഹമാധ്യമങ്ങളിലൂടെ പങ്കുവെച്ച പുതിയ നെയ്മറിന്റെ ടാറ്റു വൈറലാവുകയും ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ