ലണ്ടന്‍: ടെസ്റ്റ് ക്രിക്കറ്റില്‍ നിന്നുള്ള വിരമിക്കല്‍ തീരുമാനത്തിന് പിന്നാലെ തന്റെ സ്വപ്‌ന ടീമിനെ ഇംഗ്ലീഷ് ബാറ്റ്‌സ്മാന്‍ അലിസ്റ്റര്‍ കുക്ക് പ്രഖ്യാപിച്ചു. ഇന്ത്യയില്‍ നിന്നും സച്ചിന്‍ തെന്‍ഡുല്‍ക്കര്‍ ഉള്‍പ്പടെ ഒരിന്ത്യക്കാരന്‍ പോലും കുക്കിന്റെ ഇലവനില്‍ സ്ഥാനം നേടിയില്ല.
കുക്കിനൊപ്പം കളിച്ചവരും എതിരെ കളിച്ചവരുമായവരാണ് ടീമില്‍ ഉള്ളത്. സ്വപ്‌ന ടീമിന്റെ നായകനായി പക്ഷേ താരം തിരഞ്ഞെടുത്തത് ഇതുവരെ കൂടെ കളിക്കാത്ത ഗ്രഹാം കൂചിനെയാണ്.
മാത്യു ഹെയ്ഡന്‍, ബ്രയാന്‍ ലാറ , റിക്കി പോണ്ടിങ്, ഡിവില്ലിയേഴ്‌സ്, സംഗക്കാര, ജാക്വിസ് കാലിസ്, മുത്തയ്യാ മുരളീധരന്‍, ഷെയ്ന്‍ വോണ്‍, ജെയിംസ് ആന്‍ഡേഴ്‌സണ്‍, ഗ്ലെന്‍ മക്ഗ്രാത്ത് എന്നിവരാണ് കുക്കിന്റെ സ്വപ്‌ന ടീം.
ക്രിക്കറ്റ് ലോകം കണ്ട മികച്ച ടെസ്റ്റ് ബാറ്റ്‌സ്മാന്‍മാരില്‍ ഒരാളാണ് കുക്ക്. വെള്ളിയാഴ്ച കെന്നിങ്ടണ്‍ഓവലില്‍ ഇന്ത്യയ്‌ക്കെതിരെയാണ് കുക്കിന്റെ അവസാന മത്സരം.32 സെഞ്ചുറികളും 46 അര്‍ധ സെഞ്ചുറികളുമടക്കം 12254 റണ്‍സാണ് കുക്കിന്റെ സമ്പാദ്യം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
