ടീം ഇന്ത്യയ്ക്ക് വേണ്ടി കളിക്കുമ്പോൾ ഇല്ലാത്ത എന്ത് വികാരമാണ് ചെന്നൈക്ക് വേണ്ടി ഐപിഎൽ കളിക്കുമ്പോൾ ധോണിക്കെന്ന് വീരേന്ദർ സെവാഗിന്റെ വിമർശനം. ഇന്ത്യയ്ക്ക് വേണ്ടിയാണ് ധോണി അത് ചെയ്തിരുന്നുവെങ്കിൽ താൻ സന്തോഷിച്ചേനെ. പക്ഷേ ഒരിക്കലും അതുണ്ടായിട്ടില്ല. എന്നാല് ഏറെ വികാരാധീനനായി ചെന്നൈയ്ക്ക് വേണ്ടി സംസാരിക്കുന്നുവെന്നും സെവാഗ് പറഞ്ഞു.
ധോണിയെ ഒന്നോ രണ്ടോ മത്സരങ്ങളില് നിന്ന് വിലക്കണമായിരുന്നു. നാളെ മറ്റ് ക്യാപ്ടൻമാർക്കും ഇത് പ്രചോദനമാകുമെന്നും സെവാഗ് തുറന്നടിച്ചു. ഞാനൊരിക്കലും കരുതിയതല്ല ധോണി ഗ്രൗണ്ടിലേക്ക് ഇറങ്ങുമെന്ന്. നോബൗളിനെ കുറിച്ച് ബാറ്റ്സ്മാന് അംപയറുമായി അന്വേഷിക്കുന്നുണ്ടായിരുന്നു. എന്നിട്ടും ധോണി ഗ്രൗണ്ടിലേക്കിറങ്ങി. ഒരിക്കലും ധോണിയുടേത് ശരിയായ തീരുമാനമായിരുന്നില്ലെന്നും താരം കൂട്ടിച്ചേർത്തു.
രാജസ്ഥാന് റോയല്സിനെതിരായ മത്സരത്തില് ചെന്നൈ ക്യാപ്ടനായ ധോണി ഗ്രൗണ്ടിലേക്ക് ഇറങ്ങിവന്ന് അംപയറിനോട് കയർത്തതിനെ തുടർന്ന് മാച്ച് ഫീയുടെ 50 ശതമാനം പിഴ ചുമത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ