കൊച്ചി: ഇന്ത്യന് സൂപ്പര് ലീഗിലെ നിറ സാന്നിധ്യമായ കേരള ബ്ലാസ്റ്റേഴ്സിന് അപൂര്വ നേട്ടം. രാജ്യത്ത് ഏറ്റവുമധികം ആരാധകരുള്ള ഫുട്ബോള് ക്ലബെന്ന പെരുമ ഇനി ബ്ലാസ്റ്റേഴ്സിന് സ്വന്തം. ഇന്ത്യന് സൂപ്പര് ലീഗില് കളിക്കുന്ന 10 ടീമുകളില് ഏറ്റവും കൂടുതല് ആരാധകരുള്ള കേരള ബ്ലാസ്റ്റേഴ്സിന്റെ ഔദ്യോഗിക ഇന്സ്റ്റാഗ്രാം പേജിലെ ഫോളോവേഴ്സിന്റെ എണ്ണം പത്ത് ലക്ഷം കടന്നു. ആദ്യമായാണ് ഐഎസ്എല്ലില് കളിക്കുന്ന ഒരു ടീമിന്റെ ഇന്സ്റ്റാഗ്രാം പേജില് ആരാധകരുടെ എണ്ണം പത്ത് ലക്ഷം കടക്കുന്നത് എന്നതാണ് ഇതിന്റെ പ്രത്യേകത.
2014 മെയ് 24ന് അന്ന് ഐഎസ്എല്ലില് കളിച്ചിരുന്ന എട്ട് ക്ലബുകളില് ഒന്നായി രൂപം കൊണ്ട കേരള ബ്ലാസ്റ്റേഴ്സ് നിലവില് രാജ്യത്ത് ഏറ്റവും കൂടുതല് ആരാധകരുള്ള ഫുട്ബോള് ക്ലബാണ്. ആരാധകരുടെ പിന്തുണയുടെ കാര്യത്തില് ഏഷ്യയില് അഞ്ചാം സ്ഥാനത്തും ബ്ലാസ്റ്റേഴ്സുണ്ട്. ഫെയ്സ്ബുക്ക്, ട്വിറ്റര്, ഇന്സ്റ്റാഗ്രാം എന്നീ സാമൂഹിക മാധ്യമങ്ങളില് കൂടി 3.9ദശലക്ഷം ആരാധകരാണ് ബ്ലാസ്റ്റേഴ്സിനെ പിന്തുടരുന്നത്.
ഐഎസ്എല്ലിലെ മൊത്തം കാഴ്ചക്കാരില് 45 ശതമാനവും, കേരള ബ്ലാസ്റ്റേഴ്സിന്റെ കളികള് കാണുന്നു. കേരളത്തിലെ ഏറ്റവും അധികം ആളുകള് കണ്ടിട്ടുള്ള ആദ്യം പത്ത് പരിപാടികളില് സ്ഥിരമായി കേരള ബ്ലാസ്റ്റേഴ്സിന്റെ കളികള് ഉള്പ്പെടുന്നു. ഏറ്റവും അധികം ആരാധകര് സ്റ്റേഡിയത്തില് തിങ്ങിക്കൂടുന്ന 10 യൂറോപ്യന് ഇതര ടീമുകളില് ഒന്നാണ് കേരള ബ്ലാസ്റ്റേഴ്സ്. കഴിഞ്ഞ അഞ്ച് വര്ഷക്കാലമായി ശരാശരി 40000ആരാധകരാണ് കളി കാണാനായി എത്തുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ