ന്യൂഡല്ഹി: കാലില് ബൂട്ട്സില്ല, ഗ്രാമത്തിലെ ഏതോ റോഡിലൂടെ ഓടുകയാണ്. ഓടുകയെന്ന് പറഞ്ഞാല് പോര, പറക്കുകയാണ്...11 സെക്കന്ഡ് കൊണ്ട് 100 മീറ്റര്. മധ്യപ്രദേശില് നിന്നുമുള്ള ഈ ഓട്ടക്കാരനെ നോക്കിക്കോളാമെന്ന് കേന്ദ്ര കായിക മന്ത്രി കിരണ് റിജിജുവിന്റെ ഉറപ്പും.
മധ്യപ്രദേശില് നിന്നുമുള്ള രമേശ്വര് സിങ് എന്നയാളുടെ ഓട്ടപ്പാച്ചില് സമൂഹമാധ്യമങ്ങളല് വൈറലായിരുന്നു. ബിജെപി നേതാവായ ശിവരാജ് സിങ് ചൗഹാനാണ് ഇയാളെ കേന്ദ്ര കായിക മന്ത്രിയുടെ ശ്രദ്ധയിലേക്ക് എത്തിച്ചത്. ട്വിറ്ററിലൂടെ ചൗഹാന് ഈ ഓട്ടക്കാരന്റെ വീഡിയോ ട്വീറ്റ് ചെയ്തു.
അവസരവും വേണ്ട പ്ലാറ്റ്ഫോമും ഒരുക്കി നല്കിയാല് ചരിത്രം രചിക്കും ഇവരെന്നാണ് ചൗഹാന് പറഞ്ഞത്. കേന്ദ്ര കായിക മന്ത്രിയേയും ചൗഹാന് ടാഗ് ചെയ്തിരുന്നു. പിന്നാലെ കിരണ് റിജിജുവിന്റെ ട്വീറ്റെത്തി. ആരെങ്കിലും ഈ ഓട്ടക്കാരനെ എന്റെ അടുത്തെത്തിക്കു. ഞാന് ഇയാള്ക്ക് പരിശീലനത്തിനുള്ള സൗകര്യമൊരുക്കാം എന്ന് അദ്ദേഹം വ്യക്തമാക്കി. തൊട്ടുപിന്നാലെ തന്നെ ആളെ തിരിച്ചറിഞ്ഞു. സായ് ബോപ്പാലിലായിരിക്കും യുവാവിന് ഇനി പരിശീലനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ