സംഗ്രൂര് (പഞ്ചാബ്): ദേശീയ സീനിയര് സ്കൂള് അത്ലറ്റിക് മീറ്റില് കേരളത്തിന്റെ ആന്സി സോജന് വീണ്ടും സ്വര്ണം. 100 മീറ്ററിലെ സ്വർണനേട്ടത്തിന് പിന്നാലെ 200 മീറ്റര് വിഭാഗത്തില് ആന്സി ഒന്നാമതെത്തി. കരിയറിലെ ഏറ്റവും മികച്ച സമയത്തോടെയാണ് ആന്സിയുടെ സ്വര്ണം. ഇതോടെ മീറ്റിലെ ആൻസിയുടെ മെഡൽ നേട്ടം രണ്ടായി.
100 മീറ്ററിൽ 12.10 സെക്കന്റിൽ ഫിനിഷ് ചെയ്താണ് ആൻസി കേരളത്തിന്റെ ആദ്യ സ്വർണം നേടിയത്. നാട്ടിക ഫിഷറീസ് സ്കൂളിലെ പ്ലസ്ടു വിദ്യാര്ഥിയായ ആൻസി ഇന്ന് ലോംങ്ജംപിലും മത്സരിക്കുന്നുണ്ട്. ലോംങ്ജംപ് യോഗ്യതാ റൗണ്ടില് ആന്സി മീറ്റ് റെക്കോഡിനേക്കാള് (6.05 മീറ്റര്) മികച്ച ദൂരം കണ്ടെത്തിയിരുന്നു. 6.08 മീറ്റര് ദൂരമാണ് ആന്സി ചാടിക്കടന്നത്. ഇതിലും സ്വര്ണം നേടി ആൻസി ട്രിപ്പിൾ തികയ്ക്കുമെന്ന പ്രതീക്ഷയിലാണ് കേരള ക്യാംപ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ