കായികം
ഗ്ലോബ് സോക്കർ പുരസ്കാരം: മികച്ച താരം ആറാം തവണയും ക്രിസ്റ്റ്യാനോ
ദുബായിയിൽ നടന്ന ചടങ്ങിൽ താരം പുരസ്കാരം ഏറ്റുവാങ്ങി
ദുബായ്: ഈ വർഷത്തെ മികച്ച താരത്തിനുള്ള ഗ്ലോബ് സോക്കർ പുരസ്കാരം യുവന്റസ് താരം ക്രിസ്റ്റ്യാനോ റൊണാൾഡോയ്ക്ക്. ഇത് ആറാം തവണയാണ് ക്രിസ്റ്റ്യാനോ പുരസ്കാരത്തിന് അർഹനാകുന്നത്. ദുബായിയിൽ നടന്ന ചടങ്ങിൽ താരം പുരസ്കാരം ഏറ്റുവാങ്ങി.
യുവന്റസിന് വേണ്ടി കാഴ്ചവച്ച മികച്ച പ്രകടനങ്ങളാണ് റൊണാൾഡോയെ പുരസ്കാരത്തിന് അർഹനാക്കിയത്. യുവന്റസിന് വേണ്ടി 40 ഗോളുകളാണ് താരം നേടിയത്. യുവന്റസിനെ ഇറ്റാലിയൻ കിരീടത്തിലേക്കു നയിച്ചതും പോർച്ചുഗൽ ദേശീയ ടീമിനെ യുവേഫ നേഷൻസ് ലീഗ് ചാമ്പ്യന്മാരുമാക്കിയതും റൊണാൾഡോയ്ക്ക് പുരസ്കാരനേട്ടത്തിൽ തുണയായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ