ഒരു ഗോള്‍ പോലും നേടാനാവാതെ മടക്കം ; സന്തോഷ് ട്രോഫിയില്‍ നിന്നും കേരളം പുറത്ത്

നിർണായക മല്‍സരത്തില്‍ സര്‍വീസസിനോട് എതിരില്ലാത്ത ഒരു ഗോളിന് പരാജയപ്പെട്ടതോടെയാണ് കേരളം ടൂര്‍ണമെന്റില്‍ നിന്നും പുറത്തായത്
ഒരു ഗോള്‍ പോലും നേടാനാവാതെ മടക്കം ; സന്തോഷ് ട്രോഫിയില്‍ നിന്നും കേരളം പുറത്ത്

നെയ് വേലി : സന്തോഷ് ട്രോഫി ഫുട്‌ബോള്‍ ചാമ്പ്യന്‍ഷിപ്പില്‍ നിന്നും നിലവിലെ ചാമ്പ്യന്മാരായ കേരളം പുറത്ത്. നിർണായക മല്‍സരത്തില്‍ സര്‍വീസസിനോട് എതിരില്ലാത്ത ഒരു ഗോളിന് പരാജയപ്പെട്ടതോടെയാണ് കേരളം ടൂര്‍ണമെന്റില്‍ നിന്നും പുറത്തായത്. വികാസ് ഥാപയാണ് സര്‍വീസസിന്റെ വിജയഗോള്‍ നേടിയത്. 

ടൂര്‍ണമെന്റില്‍ ഇതുവരെ ഒരു ഗോള്‍ പോലും നേടാനാവാതെയാണ് കേരളം പുറത്തായത്. വിജയത്തോടെ ആറുപോയിന്റ് കരസ്ഥമാക്കിയ സര്‍വീസസ് ഫൈനല്‍ റൗണ്ടിലേക്ക് യോഗ്യത നേടി. 

രാവിലെ നടന്ന തെലങ്കാന-പുതുച്ചേരി മല്‍സരം സമനിലയില്‍ കലാശിച്ചിരുന്നു. ഇതോടെ രണ്ടു ഗോള്‍ വ്യത്യാസത്തില്‍ ജയിച്ചാല്‍ കേരളത്തിന് ടൂര്‍ണമെന്റില്‍ മുന്നേറാമെന്ന സാഹചര്യത്തിലായിരുന്നു, കേരളം നിര്‍ണായക മല്‍സരത്തിന് ഇറങ്ങിയത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com