സെന്റ് ലൂയിസ്: ക്രിക്കറ്റ് കളത്തിൽ ബാറ്റ് കൊണ്ടും പന്ത് കൊണ്ടും മികച്ച പ്രകടനം പുറത്തെടുക്കാറുള്ള താരമാണ് മുൻ വെസ്റ്റിൻഡീസ് ഓൾറൗണ്ടർ ഡ്വെയ്ൻ ബ്രാവോ. കളത്തിന് പുറത്തും വിവിധ മേഖലകളിൽ താരം തന്റെ വ്യക്തിമുദ്ര പതിപ്പിച്ചിട്ടുണ്ട്. ക്രിക്കറ്റിന്റെ ഇടവേളകളില് സംഗീതവും നൃത്തച്ചുവടുകളുമായി ബ്രാവോ ആല്ബങ്ങള് പുറത്തിറക്കാറുണ്ട്. ബ്രാവോ മുന്പ് പുറത്തിറക്കിയ 'ചാമ്പ്യന് സോങ്' വലിയ തരംഗമായിരുന്നു.
ഏഷ്യന് താരങ്ങള്ക്കുള്ള ആദരമായി പുറത്തിറക്കിയ 'ഏഷ്യ' ആണ് വിന്ഡീസ് ഓള്റൗണ്ടറുടെ ഏറ്റവും പുതിയ ഗാനം. ഏഷ്യന് ഉപഭൂഖണ്ഡത്തിലെ സൂപ്പര് താരങ്ങളെ ഉള്ക്കൊള്ളിച്ചാണ് ആല്ബം ഒരുക്കിയിരിക്കുന്നത്. മുന് ഇന്ത്യന് നായകന് എംഎസ് ധോണി, ഇന്ത്യന് ക്യാപ്റ്റന് വിരാട് കോലി, പാക്കിസ്ഥാന് ക്രിക്കറ്റര് ഷാഹിദ് അഫ്രീദി, ശ്രീലങ്കന് ഇതിഹാസ വിക്കറ്റ് കീപ്പര് ബാറ്റ്സ്മാന് കുമാര് സംഗക്കാര, മഹേല ജയവർധനെ എന്നിവരെല്ലാം ഏഷ്യയിലുണ്ട്. ഷാഹിദ് അഫ്രിദി ഈ ആല്ബം ട്വിറ്ററില് പങ്കുവെച്ചിട്ടുണ്ട്.
കഴിഞ്ഞ വര്ഷം ഒക്ടോബറില് അന്താരാഷ്ട്ര ക്രിക്കറ്റില് നിന്ന് ബ്രാവോ വിരമിച്ചിരുന്നു. വെസ്റ്റിന്ഡീസിനായി 40 ടെസ്റ്റുകളും 164 ഏകദിനങ്ങളും കളിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ