നയകന്റെ ഉത്തരവാദിത്വങ്ങള് ഇറക്കി വെച്ചു. ഇപ്പോള് അച്ഛന്റെ റോള് ആസ്വദിക്കുകയാണ് ഇന്ത്യന് ക്രിക്കറ്റ് താരം രോഹിത് ശര്മ. മൂന്ന് മാസത്തോളം നീണ്ട വിദേശ പര്യടനം കഴിഞ്ഞ് മുംബൈയിലെ വീട്ടില് തിരിച്ചെത്തിയ രോഹിത് മകള് സമയ്റയ്ക്കായാണ് തന്റെ സമയം മുഴുവന് മാറ്റിവെയ്ക്കുന്നത്.
കുഞ്ഞു സമയ്റയെ തന്റെ നെഞ്ചില് കിടത്തി ഉറക്കുന്ന ഫോട്ടോയാണ് രോഹിത് ഇപ്പോള് ആരാധകരുമായി പങ്കുവയ്ക്കുന്നത്. ഐ ലൗവ് ഡാഡ് എന്ന് കുപ്പായവുമണിഞ്ഞാണ് സമയ്റയുടെ കിടപ്പ്. ഇത് സ്പെഷ്യലാണ്. തിരിച്ചെത്തുമ്പോള് എത്ര നല്ലതാണെന്നുമാണ് രോഹിത് ഫോട്ടോയ്ക്കടിയില് കുറിക്കുന്നത്.
കഴിഞ്ഞ ദിവസം, ഉറക്കത്തിനിടയില് സമയ്റ ചിരിക്കുന്ന വീഡിയോ പങ്കുവെച്ച് റിതികയുമെത്തിയിരുന്നു. ആരാധകര്ക്കിടയില് സമയ്റയുടെ ചിരി വൈറലായതിന് പിന്നാലെയാണ് കുഞ്ഞിനെ നെഞ്ചിലേറ്റുന്ന ഫോട്ടോയുമായി രോഹിത്തുമെത്തുന്നത്. ക്രിക്കറ്റിലേക്ക് വരുമ്പോള് ഓസ്ട്രേലിയയ്ക്കെതിരായ പരമ്പരയില് രോഹിത്തിന് വിശ്രമം അനുവദിച്ചേക്കുമെന്നാണ് സൂചന.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ