കോഴിക്കോട് കടലുണ്ടിയില്‍ ഫുട്‌ബോള്‍ മത്സരം നടക്കുന്നതിന് ഇടയില്‍ ഗ്യാലറി തകര്‍ന്ന് അപകടം. ഗ്രൗണ്ടിലെ താത്കാലികമായി നിര്‍മിച്ച ഗ്യാലറിയാണ് തകര്‍ന്നത്.
വെള്ളിയാഴ്ച രാത്രി 9.20ടെയാണ് സംഭവം. അപകടത്തില്‍ എട്ട് പേര്‍ക്ക് പരിക്കേറ്റു. പരിക്കേറ്റവരെ കോട്ടപറമ്പലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. നാല് പേരെ കോഴിക്കോട് മെഡിക്കല്‍ കോളെജിലേക്കും മാറ്റി. മെഡിക്കല്‍ കോളെജില്‍ പ്രവേശിപ്പിച്ചവരുടെ നില ഗുരുതരമാണെന്നാണ് സൂചന.
കടലുണ്ടിയിലെ പ്രാദേശിക ക്ലബുകള്‍ തമ്മിലുള്ള മത്സരമാണ് ഇവിടെ നടന്നുകൊണ്ടിരുന്നത്. വലിയ തോതില്‍ കാണികള്‍ കളി കാണാന്‍ എത്തിയിരുന്നു. കളി തുടങ്ങി ഏതാനും മിനിറ്റുകള്‍ക്കകം തന്നെ ഗ്യാലറി തകര്‍ന്നു. എന്നാല്‍ ഗ്യാലറി തകര്‍ന്നതോടെ തിക്കിലും തിരക്കിലും പെട്ട് പലര്‍ക്കും പുറത്തേക്ക് കടക്കുവാനായില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
