പുതുവത്സരം പിറക്കുമ്പോള് കേരളത്തിലെ ഫുട്ബോള് പ്രേമികളെ സന്തോഷിപ്പിച്ചാണ് ജര്മന് ഫുട്ബോള് ക്ലബായ ബയേണ് മ്യൂണിക്കിന്റെ വരവ്. പുതുവര്ഷത്തിലേക്ക് കടക്കുമ്പോള് 2018ല് നല്കിയ പിന്തുണയ്ക്ക് ഇന്ത്യന് ആരാധകരോട് നന്ദി പറഞ്ഞുള്ള പോസ്റ്റില് മലയാളത്തില് നന്ദി എന്ന് എഴുതിയതാണ് മലയാളി ഫുട്ബോള് പ്രേമികളെ സന്തോഷിപ്പിക്കുന്നത്.
ജര്മന് വമ്പന്മാരുടെ സൂപ്പര് താരങ്ങളുടെ ഫോട്ടോയ്ക്കൊപ്പം നന്ദി എന്നെഴുതിയായിരുന്നു ബയേണിന്റെ പോസ്റ്റ്. നന്ദി എന്ന് എഴുതിയത് കൊണ്ടും തീര്ന്നില്ല. മലയാളത്തില് നന്ദി പറഞ്ഞതോടെ കമന്റുമായി എത്തിയ മലയാളികളോട് നന്ദി എന്ന് എഴുതിയത് ശരിയാണോ എന്നും ചോദിക്കുന്നുണ്ട് ബയേണ്.
ബുണ്ടസ്ലീഗയിലെ നിലവിലെ ചാമ്പ്യന്മാര് ഈ സീസണില് രണ്ടാം സ്ഥാനത്താണ്. 17 കളിയില് നിന്നും 36 പോയിന്റഉള്ള ബയേണ് രണ്ടാമതും, 17 കളിയില് നിന്നും 42 പോയിന്റുള്ള ബൊറൂസിയ ഡോര്ട്മുണ്ട് ഒന്നാം സ്ഥാനത്തുമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ