ധോനിയെ അഞ്ചാമനായി ഇറക്കണമായിരുന്നു, വിമര്‍ശനവുമായി സച്ചിന്‍ 

അഞ്ചാമനായി ധോനി ഇറങ്ങിയിരുന്നു എങ്കില്‍ ഇന്ത്യന്‍ ഇന്നിങ്‌സില്‍ അതിന്റെ മാറ്റം കണ്ടേനെ എന്നാണ് സച്ചിന്‍ പറയുന്നത്
ധോനിയെ അഞ്ചാമനായി ഇറക്കണമായിരുന്നു, വിമര്‍ശനവുമായി സച്ചിന്‍ 

സെമി ഫൈനലില്‍ കീവീസിന് മുന്‍പില്‍ ഇന്ത്യ മുട്ടുമടക്കിയതിന് പിന്നാലെ ധോനിയെ വൈകി ഇറക്കിയതില്‍ വിമര്‍ശനവുമായി സച്ചിന്‍ ടെണ്ടുല്‍ക്കര്‍. അഞ്ചാമനായി ധോനി ഇറങ്ങിയിരുന്നു എങ്കില്‍ ഇന്ത്യന്‍ ഇന്നിങ്‌സില്‍ അതിന്റെ മാറ്റം കണ്ടേനെ എന്നാണ് സച്ചിന്‍ പറയുന്നത്. 

ഇത് പോലെ നിര്‍ണായക ഘട്ടങ്ങളില്‍ ധോനിയെ നേരത്തെ ഇറക്കി കളി നിയന്ത്രണത്തിലാക്കുക എന്നതിനെ കുറിച്ച് ചിന്തിക്കണം. അവസാനത്തോട് അടുത്തപ്പോള്‍ ജഡേജയോട് സംസാരിച്ച് കാര്യങ്ങള്‍ ധോനി നിയന്ത്രിക്കുകയായിരുന്നു. സമര്‍ഥമായി തന്നെ ധോനി സ്‌ട്രൈക്ക് മാറുന്നുമുണ്ടായെന്ന് സച്ചിന്‍ ചൂണ്ടിക്കാണിക്കുന്നു. 

സെമിയില്‍ ദിനേശ് കാര്‍ത്തിക്കിനും ഹര്‍ദിക് പാണ്ഡ്യയ്ക്കും പിന്നാലെയാണ് ധോനി ഇറങ്ങിയത്. ഇത് വലിയ വിമര്‍ശനത്തിന് ഇടയാക്കിയപ്പോഴാണ് ടീമിന്റെ നീക്കത്തിനെതിരെ സച്ചിന്റെ വാക്കുകളും വരുന്നത്. ഹര്‍ദിക്കിനും മുന്‍പേ ധോനി ഇറങ്ങിയിരുന്നു എങ്കില്‍ എന്തെങ്കിലും ധോനി ചെയ്യുമെന്ന് ഉറപ്പായിരുന്നുവെന്ന് കളിക്ക് ശേഷം സച്ചിന്‍ പറഞ്ഞു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com